Video
Read full review
2025-04-08
71 views
呢間餐廳好靚，好啱打卡，以花作為裝飾，打卡好靚。餐廳入面會播放浪漫嘅情歌，充滿浪漫嘅氛圍。生蠔（銀堡壘&日之雪花）佢哋嘅生蠔超級新鮮，日之雪花肥美爽口，銀堡壘就蠔味濃厚，真係好鮮味！牛油果蟹肉他他蟹肉鮮甜，夾埋清新嘅牛油果一齊食，原來味道係好夾，好清新嘅組合。西班牙火腿田園沙律賣相精緻，沙律菜好新鮮。美國安格斯牛肉眼配燒汁嘩！呢塊安格斯牛肉眼好大塊！我哋叫咗五成熟，煎得啱啱好，肉質鮮嫩，咬落去完全唔韌，而且好有肉味，配埋佢嘅燒汁一齊食，真係好好食。香煎星班柳拼老虎大蝦配柚子醬油呢碟擺盤精緻，大大隻虎蝦，味道調得啱啱好，可以食到蝦嘅彈牙同鮮味，正！三文魚都煎到啱啱好，唔會過熟，仲食到三文魚嘅油脂香。蜜桃紅茶&柚子檸檬特飲兩杯都好好飲。歌劇院蛋糕甜品好靚，歌劇院蛋糕好有朱古力味，好濃郁，食完好滿足。甜品碟上仲可以寫字，啱晒慶祝生日或者紀念日。呢間餐廳真係好值得推介，唔單止環境好靚，好啱打卡，食物質素又好好，樣樣食物都好好味，為我哋嘅結婚周年嘅紀念日留下美好嘅回憶。📍簡.聚地址：元朗安寧路172-190號安寧樓地下A號舖
呢間餐廳好靚，好啱打卡，以花作為裝飾，打卡好靚。餐廳入面會播放浪漫嘅情歌，充滿浪漫嘅氛圍。
生蠔（銀堡壘&日之雪花）
佢哋嘅生蠔超級新鮮，日之雪花肥美爽口，銀堡壘就蠔味濃厚，真係好鮮味！
牛油果蟹肉他他
蟹肉鮮甜，夾埋清新嘅牛油果一齊食，原來味道係好夾，好清新嘅組合。
西班牙火腿田園沙律
賣相精緻，沙律菜好新鮮。
美國安格斯牛肉眼配燒汁
嘩！呢塊安格斯牛肉眼好大塊！我哋叫咗五成熟，煎得啱啱好，肉質鮮嫩，咬落去完全唔韌，而且好有肉味，配埋佢嘅燒汁一齊食，真係好好食。
香煎星班柳拼老虎大蝦配柚子醬油
呢碟擺盤精緻，大大隻虎蝦，味道調得啱啱好，可以食到蝦嘅彈牙同鮮味，正！三文魚都煎到啱啱好，唔會過熟，仲食到三文魚嘅油脂香。
蜜桃紅茶&柚子檸檬特飲
兩杯都好好飲。
歌劇院蛋糕
甜品好靚，歌劇院蛋糕好有朱古力味，好濃郁，食完好滿足。甜品碟上仲可以寫字，啱晒慶祝生日或者紀念日。
呢間餐廳真係好值得推介，唔單止環境好靚，好啱打卡，食物質素又好好，樣樣食物都好好味，為我哋嘅結婚周年嘅紀念日留下美好嘅回憶。
📍簡.聚
地址：元朗安寧路172-190號安寧樓地下A號舖
Post
