火鍋隨意門

Open Now

Now Closed

朋友約食飯，想試特色啲嘅打邊爐，諗起呢間火鍋店，網上都幾多好評就嚟試吓呢間啦。店內唔同區域有唔同國家特色嘅裝潢，包括中國、日本、土耳其同法國，好有氣氛。 秘製消暑椰漿雞濃湯鍋用椰子肉打成椰漿，配三黃雞、椰子、椰青水、粟米等，雞肉嫩滑，湯底清甜鮮味、清熱消暑。 蘋果木煙燻手切牛頸脊以雙飛片刀法手切牛頸脊，肉質嫩滑，牛味適中。 澳洲帶子片帶子片鮮甜彈牙，口感柔軟，屬高質之選。 餃子拼盤有黑松露蟹肉餃、蟹黃豚肉餃、鳳尾鮮蝦餃、香松露野菌豬肉餃、韭菜豬肉餃等等，靚靚fancy擺盤夠特別。豐盛蔬菜拼盤真係幾豐富，有唐生菜、娃娃菜、油麥菜、南瓜、蕃茄、金針菇等等，份量勁多又新鮮。 竹蔗茅根食完火鍋點個竹蔗茅根清下熱就啱晒啦，味道唔太甜，解渴一流。