淥鼎記

Open Now

Now Closed

老Best移民在即，緊係要珍惜相聚時間，call齊老友食返餐farewell飯。 打邊爐仲要無限時，仲唔俾我到呢度。呢個爵爺套餐每位 $388加一又唔算好貴。 開爐前仲有幾樣正野係一次性， 麻辣雞煲惹味得嚟雞肉仲好嫩（不過唔記得影相）， 之後有刺身併盤，帶子大大粒，鮑魚，牡丹蝦，北寄貝，三文魚厚切樣樣新鮮； 仲有兩隻春雞，雞肉都算嫩滑。 正式開爐啦，再有大大盆安格斯頂級牛小排同海鮮併盤。 真係好有牛味㗎，又嫩又好食，個海鮮併盆有蜆，雖然細細粒，肉質都賬卜卜，蠔超大隻，鮑魚夠腍，帶子，同埋蝦仲要彈牙。金牌手打丸，我最鍾意食黑松露墨魚丸係好香黑松露，仲要都分佈唔少係粒丸上，好彈牙。蝦丸都好食。 一次性食物齊晒，之後就仲有其他任食菜式， 雖然牛肉冇頭盤個咁正，不過都唔錯，起碼都係嫩肉唔係咬唔開個隻， 外面都有其餘食物任拎，雲吞同餃都唔錯，種類都幾多，不過成晚掛住傾計，都冇得閒樣樣都影下。 食飽飽仲有每人一杯haagen-dazs雪糕, 大滿足。 整體我覺得呢個價錢有呢種食物質素係有驚喜，而且服務員都好有禮貌， 唔怪得全店滿座啦。 又多一間食店可以推薦下俾我既朋友啦。