叠記咖喱

「叠記咖哩」原來是澳門的著名食店，已經營至第三代。不過筆者去了澳門多次都未有光顧，實在有眼不識泰山。今晚由朋友帶路，來到他們在香港開的分店一試。「叠記咖哩」的太子分店位於花園街。店員非常熱情好客，主動提供圍裙，以防筆者和朋友太輪盡，衣服被咖哩醬汁弄污。如珠如寶指的是豬皮、豬紅、豬手和豬頸肉。豬皮軟滑，充滿滷水香味。豬手外皮Q彈，肉質嫩滑，帶著豐富骨膠原。配上橡筋幼麵，麵質爽口彈牙，口感很好。湯底加入了腩汁，味道更為鹹香。「叠記」出名的是咖哩，醬汁煮得香辣，甚為惹味，和白飯十分匹配。三寶配餸分別有咖哩牛腩、豬扒和雞扒。牛腩炆得軟腍入味，咖哩香氣濃郁！而豬扒、雞扒都有煎香處理，兩者肉質均軟嫩。除了上述配餸，還附有薯仔塊。整碗份量非常多，很飽肚！豬頸肉口感帶少許爽脆嚼勁。以瑞士汁炆煮，肉質入味，味道鹹中帶甜。一人一杯飲品解渴，選擇了兒童鴛鴦，好立克溝阿華田，好滿足。