農耕記 湖南土菜 (黃大仙中心北館)

Open Now

Now Closed

平時返去深圳都經常見到呢間農耕記，後尾見到黃大仙都有呢一間，今日約朋友喺呢度食飯，終於都可以滿足想食呢間嘅小目標，應該新開冇幾耐，超級多人，朋友排對都排咗廿幾分鐘，都好耐冇食湖南菜，入面環境都算舒服，裝修都幾農家樂嘅feel，入去叫咗三個小菜，一個係鮑魚辣椒炒肉，啲肉都算嫩滑，辣椒唔太辣，鮑魚就係新鮮嘅珍珠鮑魚仔，都幾有鑊氣，一個係蒜蓉空心菜，因為師傅冇落鹽嘅關係，唔鹹，差咗少少，不過份量都好多，一個係招牌蝴蝶魚，比較辣，但係唔麻，因為唔係四川嗰啲，冇花椒，只有辣椒，配飯ok，一碗靚仔，兩個人分開食，因為都好大碗，冇叫嘢飲係因為都有一支大支嘅茶喺度，飲落去仲可以飲到少少嘅茵陳，都算清熱利濕。幾好飲。咁樣晚餐又解決了。