Video
Read full review
2021-10-03
17 views
深水埗多嘢食係人都知啦，平時多數喺福榮街一帶覓食，今日買餸行到嚟基隆街搵到間車仔麵店。一向都好鍾意食車仔麵，又經濟又可以揀自己鍾意食嘅餸😋。 呢度除咗有車仔麵🍜，都有飯餐全日供應。 小食揀咗招牌鮮炸肉丸，有好多粒，有成10粒咁多～ 粒粒都又圓又大，炸得好金黃香脆，外脆內軟。 蒜香雞翼蒜味都幾香，雞翼無雪味，肉質嫩滑多汁。 車仔麵嘅餸都好多選擇，由9蚊至13蚊不等，呢度竟然有上湯花膠揀，花膠夠厚身，可以補補膠原，絕對係女士恩物😌。另外，豬肚亦都好爽口，無餲味。 老公揀咗手打魚肉🐟，魚肉唔腥而且幾彈牙。另外牛腩夠腍夠入味。 個湯底可以自己揀加腩汁／鹵水汁／咖喱汁／沙嗲汁／瑞士汁，老公就梗係揀佢至愛嘅沙嗲汁。如果鍾意不妨都可以加埋佢哋秘制辣醬，分別有大🌶🌶🌶、中🌶🌶、小辣🌶。
深水埗多嘢食係人都知啦，平時多數喺福榮街一帶覓食，今日買餸行到嚟基隆街搵到間車仔麵店。一向都好鍾意食車仔麵，又經濟又可以揀自己鍾意食嘅餸😋。
呢度除咗有車仔麵🍜，都有飯餐全日供應。
小食揀咗招牌鮮炸肉丸，有好多粒，有成10粒咁多～ 粒粒都又圓又大，炸得好金黃香脆，外脆內軟。
蒜香雞翼蒜味都幾香，雞翼無雪味，肉質嫩滑多汁。
車仔麵嘅餸都好多選擇，由9蚊至13蚊不等，呢度竟然有上湯花膠揀，花膠夠厚身，可以補補膠原，絕對係女士恩物😌。另外，豬肚亦都好爽口，無餲味。
老公揀咗手打魚肉🐟，魚肉唔腥而且幾彈牙。另外牛腩夠腍夠入味。
個湯底可以自己揀加腩汁／鹵水汁／咖喱汁／沙嗲汁／瑞士汁，老公就梗係揀佢至愛嘅沙嗲汁。如果鍾意不妨都可以加埋佢哋秘制辣醬，分別有大🌶🌶🌶、中🌶🌶、小辣🌶。
Post
