聚來車仔麵

Open Now

Now Closed

呢排依然喺深水埗區工作，但天氣依然驟晴驟雨同人生一樣變幻莫測，工程都找差不多完啦真係開心得黎又唔捨得，始終完成工程都係一件完滿嘅事，所以呢排除左工作外嘅時間都喺附近搵下有無好嘢食。咁啱今日又俾我搵到一間性價比高嘅餐廳。地點位置於基隆街，睇個門面係間小店餐廳名叫做聚來車仔麵，明顯地主力都係食車仔麵而且都見到有同好多明星合照，咁今日就試下呢一間啦~鋪頭入面有好幾張枱， 環境衛生都好乾淨舒服，兩邊牆身都貼滿晒食物同埋招牌菜，充滿懷舊氣息感覺都幾溫暖。呢間舖頭嘅賣點係食車仔麵，咁我當然要試下佢啦，餐牌除左車仔麵外仲有咖哩飯同埋其他小食， 諗咗一陣間最後要左一個四餸車仔麵：有豬紅、牛腩、雞翼尖同埋蘿蔔，配合油麵同埋沙嗲汁呢啲都係經典嘅車仔麵餸菜，之後仲要左份招牌鮮炸肉丸同埋一杯凍檸茶，咁就夠我下午茶慢慢嘆~~~等咗幾分鐘左右車仔麵同埋凍檸茶都上枱啦~~~ 賣相擺盤相當精緻，每一款餸菜都分門別類，打完卡之後就即時趁熱食，佢嘅豬紅四四方方一啖一口，非常嫩滑有口感；雞翼尖辣辣地配合沙爹汁，慢慢啜晒啲肉真係好惹味；蘿蔔係清湯煮口感非常好，好入味完全沒有渣；牛腩大大件炆煮時間長好入味，入口咬開一絲絲質素好