聚來車仔麵

Open Now

Now Closed

聚來車仔麵 車仔麵麵底揀咗唔係度度都有嘅番薯粉，粗幼適中，晶凝通透，有嚼勁。餸菜揀咗牛筋，補一補充流失嘅骨膠原，質感爽口得嚟多汁有嚼勁。另外加食車仔麵必叫嘅墨魚，大大粒，口感彈牙。再加上一啲健康選擇，生菜爽口翠綠，豆腐質感結實卻綿滑。而湯底係豬骨雞湯底，亦有各種調味醬汁料選擇。食車仔麵當然要加杯凍飲，晚餐飲凍檸水至啱，唔怕瞓唔着。深水埗餐廳選擇好多，但呢間車仔麵係簡簡單單有屋企嘅感覺。餐廳内放咗幾幅畫，一啲小擺設，更顯心思。下次我決定要試吓佢哋嘅爆醬阿華田西多士！