陳儀興飯店 (嘉悅)

Open Now

Now Closed

最近陳儀興飯店同老夫子合作，推出咗一個期間限定主題，將懷舊漫畫元素融入餐廳設計，令人一入去就感受到濃厚的童年氣息。餐廳牆上掛滿咗老夫子的漫畫畫作，仲有好多懷舊的擺設，無論係大人定細路，都可以喺呢度搵到屬於自己嘅回憶。門口仲有個大打卡位，吸引咗唔少食客拍照留念。𖤐ˊ˗鹹魚蓉蓮藕煎肉餅外層煎得酥脆，味道鹹香十足，配上喼汁食，真係好好味！肉餅煎得啱啱好，蓮藕粒口感非常爽口，整體好好送飯。𖤐ˊ˗鹹魚蒸馬友呢道菜有個特別嘅外號叫「生死戀」。將鹹魚同馬友一齊清蒸，馬友肉質嫩滑唔腥，夾埋鹹魚一齊食，味道驚喜，我唔太食魚都食左好多。𖤐ˊ˗蜜椒番薯牛柳粒推薦！首先聞到好香，牛柳粒炒得啱啱好一啲都唔硬，搭埋番薯同蜜椒，有鹹有甜，好惹味。𖤐ˊ˗滷水拼盤滷水味道入味，唔會偏鹹，最鐘意墨魚片，夠彈牙。𖤣𖤥𖠿𖤣𖤥 陳儀興飯店 將軍澳至善街9號嘉悅地下2-3號舖