Video
Read full review
2025-05-20
1537 views
餐廳：How To Live Well (尖沙咀)地址：尖沙咀河內道18號K11購物藝術館2樓201-01號舖尖沙咀K11一向都喺潮人同藝術愛好者嘅聚集地，而 How To Live Well呢間開咗四年嘅Cafe更加喺當中一個既高質又Chill嘅地方，一踏入Cafe，就比佢哋自家製手工傢俬吸引住——木質嘅柔和感配合自然光☀️，無論喺傾偈、做嘢、靜靜地歎杯咖啡☕️，環境氛圍都舒服到令人想坐足一個下晝🥰最近佢哋同日本插畫家村上信理聯乘推出期間限定主題，除咗擺放插畫作品，比人沉溺喺愛同積極嘅信息當中，可以邊欣賞藝術邊歎美食，仲推出咗聯乘特飲同產品🌈✝️炸蟹肉球拼薯餅配蜜糖芥末醬及茄乾醬 $118🥔第一眼見到已經覺得吸引😎，兩者都炸得金黃香脆 ，炸蟹肉球咬開見到蟹肉鮮甜爆出🦀，薯餅薯香出色，配埋蜜糖芥末醬同茄乾醬，甜得嚟又帶有少少酸香，食落完全唔膩✝️牛腹肉200克·精選時菜 $188牛腹肉叫咗5成熟🥩，煎到外層微焦，鎖住肉汁之餘仲保持到肉質嫩滑同羶香，每一啖都帶有滋味肉汁💦 ，搭配簡單時菜，令整體感覺更輕盈健康🤓✝️香辣蕃茄大蝦波浪粉 $168呢款意粉口感彈牙爽口，波浪形狀有掛汁作用，蕃茄嘅酸香同微
地址：尖沙咀河內道18號K11購物藝術館2樓201-01號舖
尖沙咀K11一向都喺潮人同藝術愛好者嘅聚集地，而 How To Live Well呢間開咗四年嘅Cafe更加喺當中一個既高質又Chill嘅地方，一踏入Cafe，就比佢哋自家製手工傢俬吸引住——木質嘅柔和感配合自然光☀️，無論喺傾偈、做嘢、靜靜地歎杯咖啡☕️，環境氛圍都舒服到令人想坐足一個下晝🥰
最近佢哋同日本插畫家村上信理聯乘推出期間限定主題，除咗擺放插畫作品，比人沉溺喺愛同積極嘅信息當中，可以邊欣賞藝術邊歎美食，
仲推出咗聯乘特飲同產品🌈
✝️炸蟹肉球拼薯餅配蜜糖芥末醬及茄乾醬 $118🥔
第一眼見到已經覺得吸引😎，兩者都炸得金黃香脆 ，炸蟹肉球咬開見到蟹肉鮮甜爆出🦀，薯餅薯香出色，配埋蜜糖芥末醬同茄乾醬，甜得嚟又帶有少少酸香，食落完全唔膩
✝️牛腹肉200克·精選時菜 $188
牛腹肉叫咗5成熟🥩，煎到外層微焦，鎖住肉汁之餘仲保持到肉質嫩滑同羶香，
每一啖都帶有滋味肉汁💦 ，搭配簡單時菜，令整體感覺更輕盈健康🤓
✝️香辣蕃茄大蝦波浪粉 $168
呢款意粉口感彈牙爽口，波浪形狀有掛汁作用，蕃茄嘅酸香同微辣感交織🍅，食完一啖又一啖唔想停！大蝦夠大隻，放喺意粉面頭，鮮甜又彈牙🍤
✝️開心果意大利芝士蛋糕杯 $88
蛋糕杯造型精緻，開心果味道出眾 ，有忌廉層同開心果碎，意大利芝士蛋糕夾雜喺中間，細滑濃郁，兩者味道平衡得到不過食到尾都有少少膩，飲返杯咖啡就中和返😌
✝️Young Man $68
用咗蘋果汁、檸檬汁、蜂蜜🍯、茉莉茶同冷泡咖啡調製而成，清新果香加上蜂蜜嘅甜蜜，配合冷泡咖啡帶嚟微微醇厚感，入口溫和又提神✨
✝️Strawberry & Peach Oolong $68
期間限定嘅Shinri聯乘特飲，用咗士多啤梨糖漿、白桃烏龍茶同奶泡整成，士多啤梨香當中帶有白桃烏龍茶嘅回甘🍓，奶泡令口感更加滑順，完全喺少女夢幻特飲 ，打卡必叫📸
Post
