Restoran SAYA

Open Now

Now Closed

餐廳燈光柔和，牆上好多泰式海報裝飾，加埋背景嘅泰文歌，幾有氣氛。🥬依善辣豬肉碎生菜包一上枱就聞到陣陣香辣味，肉碎夠乾身，調味酸中帶辣。搭配爽脆嘅生菜一齊食，味道平衡得啱啱好。炒肉碎裏面加入咗豬耳，令到成個口感更佳。🐟 泰式炭火鹽燒魚（需二天前預定）魚皮烤得焦脆，鹽味滲入魚肉，但又唔會過鹹，食落味道鮮甜，質感嫩滑，帶少許泰式香料嘅香氣，搭配餐廳自家製嘅花生醬汁及泰式酸汁（平時食生蝦刺身個汁），高質！🧋凍泰式奶茶奶茶甜度適中，茶香同奶香比例調得幾好。冰塊份量唔會過多，所以唔會飲到最後變淡。整體飲落有種濃郁而唔膩嘅感覺🥢醉猫肉碎炒河肉碎炒得好香口，河粉亦有少少鍋氣，唔會過濕或過乾。加埋粟米芯、芥蘭、紅蘿蔔、紅椒等等，係一個材料好豐富嘅炒河🥗飛天炒通菜通菜炒得爽口，帶蒜蓉及蝦醬香氣，乾身又唔油膩。🥭芒果糯米飯芒果夠甜，仲有啲熟得啱啱好嘅果香，而且係靚靚嘅玫瑰花形狀，配埋濃郁嘅椰汁同軟糯嘅熱糯米飯，幾好。