PHI Coffee & Pancake (形點 II)

Open Now

Now Closed

🌸春日香橙焦糖燉蛋梳乎厘🌟🌟🌟🌟🌟一上枱勁吸引，擺盤勁靚，有泥士（焦糖餅碎）有紅蘿蔔脆脆糖，香橙焦糖燉蛋超cream、焦糖薄薄一片唔算太甜，濃郁雞蛋味道既梳乎厘非常鬆軟，有動L動L既感覺，而且味道非常好味！🌸甘筍蝦意大利飯🌟🌟🌟🌟味道非常特別，濃厚甘荀味，甘荀仔又非常鮮甜爽脆，多隻蝦仁煎好排列放左意大利飯面，蝦仁上還有濃郁芝士，非常惹味。🌸開心果帶子意粉🌟🌟🌟🌟🌟香煎鮮嫩帶子，滿滿開心果碎鋪面，綠色忌廉汁能令每一條意粉都掛汁，還有一些新鮮雜菌。鐘意開心果既你不能錯過。🌸開心果咖啡 🌟🌟🌟🌟🌟滿滿開心果碎在杯底、杯邊有開心果醬、面頭也有開心果碎圍邊，中間有菊花花瓣，咖啡味突出香醇，飲完咖啡再𢳂起開心果碎，依然咁脆口！🌸羽衣甘藍沙冰🌟🌟🌟🌟🌟超濃郁羽衣甘藍既味道，也有檸檬香，沙冰配搭剛剛好，飲完好fresh。