Video
Opening Hours
Today
09:30 - 21:30
Mon - Sun
09:30 - 21:30
Above information is for reference only. Please check details with the restaurant.
久違有一段時間冇去過、佢嘅食物同埋環境都幾好、這間位於元朗YOHO《PHI Coffee &Pancake》佢嘅食物都係依然保持到最佳水準、整間店面環境木系裝置粉色為主調😍、好有別的風格坐著感覺都唔錯！秋冬濃栗子梳乎厘 $148整份梳乎厘賣相配答都好靚😍、分別有三件梳乎厘😯、配埋香甜栗子蓉滑滑忌廉、佢嘅梳乎厘食到入口熱辣辣軟綿綿、每一口即化口感鬆軟😋、配埋栗子蓉帶點香甜軟滑、兩者相當之夾好好味、尤其是整塊秋葉通透又夠薄脆口好特別！煙三魚蟹肉熱香餅 $105呢一款熱香餅送到望到賣相特別🤔、夠哂吸引多層口感😯、整個包咗滿滿香濃芝士裏面包裹班尼迪蛋、下面鮮味三文魚同蟹肉牛油果😋、底層熱辣辣軟綿綿熱香餅、整個真的多重口感味道😚！蕃茄海鮮扁意粉 $112呢一碟海鮮扁意粉滿滿蕃茄醬😯整碟分別有蕃茄、青口鮮甜腍嫩、魷魚鮮味煙韌口感、蝦肉鮮甜爽口彈牙、每一款沾滿汁液別一般嘅味道🤭、尤其是佢嘅扁意粉沾滿蕃茄汁帶點酸甜口感醒胃😋！冬日栗子咖啡 $58呢一杯栗子咖啡望見好特別又吸引😯、真係唔捨得飲睇得又飲得😍、杯邊圍繞栗子蓉花邊、中間軟滑忌廉同栗子肉、下面飲到層次濃郁啖啖口感😋、整杯嚟講我覺得都唔錯☺️！雲南滇紅 $42呢一款雲南漬紅係地道特色茶、整款漬紅茶紅褐茶色色澤、飲到入口味道茶香😚、又唔會有澀口感味道！.
continue reading
春日香橙焦糖燉蛋梳乎厘好特別 外面金黃 好吸引 入面充滿蛋香同空氣感 搭配咗香橙忌廉 好清新🌼 甜酸度適中 焦糖燉蛋都係重點🍮 食落好滑好creamy 造型方面擺盤精緻 打卡之選📸甘筍蝦意大利飯 視覺上已經吸引到我 甘筍味道好清甜 完美融入意大利飯 飯粒軟硬度適中 切得細細粒 蝦肉咬落去有啲彈性 🍤 配合埋一齊又幾好味開心果帶子意粉 呢款意粉真係個驚喜 帶子煮到啱啱好 外脆內嫩 配搭開心果碎增添咗口感 意粉本身吸收咗海鮮嘅鮮味🌿開心果咖啡 開心果嘅香味好濃郁 飲落去有種特別嘅堅果香味☕️ 咖啡嘅苦味同開心果嘅香味平衡得好好 配搭埋甜品一齊飲 更加完美 🍰抹茶鮮奶抹茶味道濃郁 但唔會太苦 質感順滑🍵 真係好放鬆 帶微微甜味🌟
continue reading
PHI Coffee & Pancake (形點 II) (元朗)元朗朗日路8號形點 II L3樓A315b號舖-春日香橙焦糖燉蛋梳乎厘 $148呢個梳乎厘真係『升呢』版燉蛋呀！面頭層焦糖脆卜卜，一啖督落去，入面嘅燉蛋滑到好似絲綢咁，仲有陣陣香橙味湧出嚟，甜得嚟帶少少橙皮嘅甘香，食完成個人『橙』氣滿滿！-甘筍蝦意大利飯 $118甘筍蓉煮到成個意大利飯金黃色，啲蝦又爽又彈牙，飯粒咬落去有啲煙韌，仲吸晒甘筍嘅甜味，成個配搭好『和味』，健康得嚟又唔會寡，抵食！-開心果帯子意粉 $138開心果醬撈意粉，堅係有驚喜！啲醬香濃到爆，帶子煎到外脆內嫩，一啖意粉一啖帶子，nutty同鮮味撞到『嘭嘭聲』，食完成個口都係開心果香，真係『食過返尋味』！-開心果咖啡 $68咖啡同開心果呢個組合估佢唔到咁夾！飲落去先係濃濃嘅咖啡香，跟住開心果嘅甜味慢慢滲出嚟，仲有少少果仁碎增加口感，成杯野層次豐富，堅係『邪惡』得嚟又好飲！-抹茶鮮奶 $46抹茶控必試！茶味濃到有少少甘，但鮮奶又balance得啱啱好，唔會太甜，飲落去順滑到不得了，仲有層靚靚嘅抹茶粉掛杯，睇得又飲得，『治癒感』滿分！
continue reading
🌸春日香橙焦糖燉蛋梳乎厘🌟🌟🌟🌟🌟一上枱勁吸引，擺盤勁靚，有泥士（焦糖餅碎）有紅蘿蔔脆脆糖，香橙焦糖燉蛋超cream、焦糖薄薄一片唔算太甜，濃郁雞蛋味道既梳乎厘非常鬆軟，有動L動L既感覺，而且味道非常好味！🌸甘筍蝦意大利飯🌟🌟🌟🌟味道非常特別，濃厚甘荀味，甘荀仔又非常鮮甜爽脆，多隻蝦仁煎好排列放左意大利飯面，蝦仁上還有濃郁芝士，非常惹味。🌸開心果帶子意粉🌟🌟🌟🌟🌟香煎鮮嫩帶子，滿滿開心果碎鋪面，綠色忌廉汁能令每一條意粉都掛汁，還有一些新鮮雜菌。鐘意開心果既你不能錯過。🌸開心果咖啡 🌟🌟🌟🌟🌟滿滿開心果碎在杯底、杯邊有開心果醬、面頭也有開心果碎圍邊，中間有菊花花瓣，咖啡味突出香醇，飲完咖啡再𢳂起開心果碎，依然咁脆口！🌸羽衣甘藍沙冰🌟🌟🌟🌟🌟超濃郁羽衣甘藍既味道，也有檸檬香，沙冰配搭剛剛好，飲完好fresh。
continue reading
今日約咗朋友喺YOHO呢間Cafe食飯～ 一直都好想試佢哋嘅疏乎厘估唔到佢哋Menu都有好多開心果嘅產品 最鍾意食開心果嘅，我當然唔可以錯過-蝦哈哈甘筍汁意大利飯意大利飯調味唔錯 甘筍汁顏色比較鮮艷個意大利飯上面仲有幾隻蝦 爽口彈牙加上擺盤好靚顏色吸引啱晒打卡-開心果帶子意粉最近大熱嘅開心果出咗好多唔同嘅產品當然唔少得我呢個熱愛開心果嘅開心果fans走過來試吓呢個開心果帶子意粉帶子好大粒 意粉面頭鋪滿咗好多開心果碎-開心果咖啡呢個開心果咖啡的確唔錯好香咖啡味入面帶有啲開心果醬同埋面頭鋪滿咗開心果碎 -焦糖脆脆鮮奶咖啡鍾意有啲口感或者怕咖啡太苦嘅朋友可以試吓呢個 ～一啖咖啡一啖焦糖脆脆中和咗咖啡嘅苦澀味焦糖脆脆嘅口感的確唔錯 值得一試-春日香橙焦糖雞蛋梳乎厘終於到最期待嘅梳乎厘～疏乎厘超鬆軟 本身味道唔會話好甜最驚喜係佢嗰個香橙燉蛋（？）好香香橙味但又有好濃郁嘅燉蛋味 的確幾好食～店鋪半開放式唔使驚有壓迫感靜靜地同朋友傾偈坐低影吓相的確唔錯～
continue reading