金玉滿堂

Open Now

Now Closed

好鍾意食大排檔鑊氣小炒，但有時又怕街巿地區太污糟，黎呢d大排檔style嘅小店就最啱。餐廳位於旺角，地點方便，價錢合理，同三五知己食下小炒啤啤佢就最啱🍻我地先叫左2味香口小食，分別係椒鹽豆腐同椒鹽白飯魚😋 2味都好香脆，乾身唔會成口油。椒鹽味道惹味，口感外脆內軟，食到唔停口😋主菜朋友叫左佢最愛嘅咕嚕肉，呢度嘅咕嚕肉味道偏甜，略略帶酸，非常開胃。不過今次我地無叫白飯，反而叫左好考工夫嘅肉絲炒麵🥘 炸麵底好脆，加上上湯肉絲汁，唔會太熱氣但保留微脆口感👍🏼最後食左咁多香口野，叫番個菜清一清，叫左金銀蛋娃娃菜🥬估唔到份量會有咁多，娃娃菜用上湯浸住，清清地但有金銀蛋咸香😋