一生懸麵

Open Now

Now Closed

這間拉麵店由開業至今都真係長期要排隊，每次見到條人龍已經唔想等，今晚近九點去見到門口竟然難得無人，可能因為太晚，即刻入去食下。店內麵款硬度有較硬、標準、較柔可選，可揀湯麵或沾麵，而沾麵亦可揀冷麵或熱麵，如果想麵條更掛湯則選熱麵較佳。跟友人選了特濃豚骨沾麵$82及辛辣沾麵$82，兩碗的配料同樣有兩大塊半肥瘦豚肉叉燒及半邊溏心蛋，豚肉以火槍炙燒過，所以多了一點焦香口感，溏心蛋不算非常流心，蛋黃已偏凝固但都OK既；沾麵粗度恰好，彈牙非常，很容易可掛滿湯汁；特濃豚骨湯汁好好味，濃郁而不咸；辛辣湯湯色較清澈唔太濃，如果可以再濃一點辣一點就更好。整體而言，都值得再食既，不過都係等下次少人排隊時先食。