Video
Read full review
2025-03-29
99 views
今日同friend去左食高級日式鐵板燒，由頭到尾都係視覺同味覺嘅享受！新鮮食材～～坐低冇耐，師傅已經拎出「季節沙律」做前菜，沙律菜新鮮爽脆，加埋酸酸哋嘅柚子汁，即刻開胃晒。跟住上枱嘅「Steamed egg with fish roes and foie gras」真係驚喜，蒸蛋滑到似豆腐花，面頭鋪滿爆汁嘅魚子同香濃鵝肝，一啖落去鮮味爆棚，暖笠笠超正！重頭戲緊係海鮮part啦！師傅即場拎出「鮮活時令龍蝦」同「原隻鮮活南非鮑魚」，龍蝦仲喺度郁下郁下，夠晒生猛。鐵板燒龍蝦嗰陣，見到啲肉慢慢變白，彈牙得嚟仲帶住海水嘅鮮甜，蘸少少檸檬牛油汁！另外仲會表演火焰燒龍蝦！鮑魚就更加正，師傅火候控制一流，忌廉汁同鮑魚融入到天衣無縫，咬落爽脆帶汁，仲有啲海藻墊底～～「香煎頂級鵝肝」絕對係邪惡之王，外皮煎到脆卜卜，一咬開啲油香係咁湧出嚟，配埋烤菠蘿同紅酒汁，油膩感即刻balance返，食到唔捨得吞！至於「鹿兒島和牛」薄燒同厚燒兩食，薄燒捲住炸蒜片同香蔥，牛油香夾住脆口；厚燒就簡單灑鹽同黑椒，入口即溶嘅油花喺舌尖跳舞，和牛控肯定高潮！尾聲嘅「秋田炒飯」師傅炒飯好香，飯粒粒分明，混咗煙肉同蛋香，仲有啲脆米增加
新鮮食材～～
坐低冇耐，師傅已經拎出「季節沙律」做前菜，沙律菜新鮮爽脆，加埋酸酸哋嘅柚子汁，即刻開胃晒。跟住上枱嘅「Steamed egg with fish roes and foie gras」真係驚喜，蒸蛋滑到似豆腐花，面頭鋪滿爆汁嘅魚子同香濃鵝肝，一啖落去鮮味爆棚，暖笠笠超正！
重頭戲緊係海鮮part啦！師傅即場拎出「鮮活時令龍蝦」同「原隻鮮活南非鮑魚」，龍蝦仲喺度郁下郁下，夠晒生猛。鐵板燒龍蝦嗰陣，見到啲肉慢慢變白，彈牙得嚟仲帶住海水嘅鮮甜，蘸少少檸檬牛油汁！另外仲會表演火焰燒龍蝦！
鮑魚就更加正，師傅火候控制一流，忌廉汁同鮑魚融入到天衣無縫，咬落爽脆帶汁，仲有啲海藻墊底～～
「香煎頂級鵝肝」絕對係邪惡之王，外皮煎到脆卜卜，一咬開啲油香係咁湧出嚟，配埋烤菠蘿同紅酒汁，油膩感即刻balance返，食到唔捨得吞！
至於「鹿兒島和牛」薄燒同厚燒兩食，薄燒捲住炸蒜片同香蔥，牛油香夾住脆口；厚燒就簡單灑鹽同黑椒，入口即溶嘅油花喺舌尖跳舞，和牛控肯定高潮！
尾聲嘅「秋田炒飯」師傅炒飯好香，飯粒粒分明，混咗煙肉同蛋香，仲有啲脆米增加口感，明明飽到上心口都清晒碟～
最後飲埋碗「龍蝦清湯」，鮮甜到痹，仲有件「精選甜品」嘅抹茶或者芝麻雪糕仲有叮噹嘅豆沙包包！
鐵板燒果然係要睇住煮先有靈魂❤️
Post
