聚來車仔麵

Open Now

Now Closed

#港式eatcovery #深水埗eatcovery💡 文青Cafe中的一點港味大家都知深水埗係新嘅文青Cafe集中地，最近小編發現依區有一間有「家」的味道嘅車仔麵，勁肚餓嘅小編想食飽啲，於是就入嚟食下車仔麵啦！🍽 牛腩菜心番薯粉牛腩唔會太韌同嚡口，燜得夠入味，小編揀咗加配腩汁，牛腩更加吸曬啲腩汁，非常好食！番薯粉比較特別，夠曬彈牙，軟硬度適中，比起紅薯粉更加易入口同消化！🍽 豬手豬紅生菜油麵豬手大大件夠多肉，一啲都唔肥膩。而豬紅質感都唔錯，油麵夠彈牙，食既時候加埋辣汁一齊食，味道更正。🍽 招牌鮮煎餃子(韭菜餃、椰菜餃)餃子兩面都煎得好香脆，一片金黃色，好靚！一咬入去餃子入面嘅醬汁爆曬出嚟，非常Juicy！😋 皮薄而入面嘅餡料飽滿，調味得宜，一啲都唔油膩，推介！🍽 胡椒豬肚豬肚清潔得非常乾淨。食落一啲都唔韌，但又好好咬口！如果胡椒味再重少少就更好啦！