Video
Read full review
2025-03-13
269 views
有日收工之後，同個同事想搵間好少少嘅餐廳坐低慢慢嘆，最後揀咗 MANO 🍽️，因為啱啱喺附近，見到評價唔錯就決定試吓～餐牌有中英文對照，但英文版詳細啲📖，建議睇英文會清楚知道埋有咩材料。小食：避風塘雞翼 🍗，但食落去就覺得有啲特別——感覺好似一個外國人試過避風塘之後，憑記憶整出嚟嘅避風塘風格雞翼，但又唔係真·避風塘🤣蒜香味雖然冇中菜咁濃烈，但如果唔當佢係避風塘雞翼，而純粹當一款特色雞翼嚟食，其實外皮幾脆，中間雞肉仲係好嫩滑，口感上係加分嘅！主菜:10安士嘅肉眼扒配忌廉薯蓉🥩，五成熟剛剛好，外層煎到微焦香，肉質嫩滑又多肉汁，一切開肉汁滲出嚟，食落口感幾正😋 最重要係佢嘅薯蓉面係有黑松露，超級無敵香🤩 仲有 蟹肉巴馬臣芝士番茄忌廉汁長通粉 🍝，個醬汁濃郁，芝士味🧀 同番茄忌廉味🍅 融合得啱啱好，意粉軟硬適中，夠掛汁，每一啖都好滿足。甜品：布朗尼配雪糕 🍫🍨，布朗尼偏甜，配埋香草雪糕一齊食，形成又香又甜又滑嘅口感。如果本身鍾意甜品🍰，應該會幾鍾意呢款，但如果對甜味比較敏感，可能會覺得少少膩～不過作為飯後甜品，算係幾有滿足感！💯兩位吃貨女神（經）食咗6百幾，OT之後都要對自己好啲💼➡️🍷，偶爾都要
餐牌有中英文對照，但英文版詳細啲📖，建議睇英文會清楚知道埋有咩材料。
小食：
避風塘雞翼 🍗，但食落去就覺得有啲特別——感覺好似一個外國人試過避風塘之後，憑記憶整出嚟嘅避風塘風格雞翼，但又唔係真·避風塘🤣蒜香味雖然冇中菜咁濃烈，但如果唔當佢係避風塘雞翼，而純粹當一款特色雞翼嚟食，其實外皮幾脆，中間雞肉仲係好嫩滑，口感上係加分嘅！
主菜:
10安士嘅肉眼扒配忌廉薯蓉🥩，五成熟剛剛好，外層煎到微焦香，肉質嫩滑又多肉汁，一切開肉汁滲出嚟，食落口感幾正😋 最重要係佢嘅薯蓉面係有黑松露，超級無敵香🤩 仲有 蟹肉巴馬臣芝士番茄忌廉汁長通粉 🍝，個醬汁濃郁，芝士味🧀 同番茄忌廉味🍅 融合得啱啱好，意粉軟硬適中，夠掛汁，每一啖都好滿足。
甜品：
布朗尼配雪糕 🍫🍨，布朗尼偏甜，配埋香草雪糕一齊食，形成又香又甜又滑嘅口感。如果本身鍾意甜品🍰，應該會幾鍾意呢款，但如果對甜味比較敏感，可能會覺得少少膩～不過作為飯後甜品，算係幾有滿足感！💯
兩位吃貨女神（經）食咗6百幾，OT之後都要對自己好啲💼➡️🍷，偶爾都要食返餐好嘅～
Shelter Chicken Wings
$78
0 views
0 likes
0 comments
10oz Rib Eye Steak
$268
19 views
0 likes
0 comments
Crab Meat Penne
$158
47 views
0 likes
0 comments
Dessert of the Day (Brownie with ice-cream)
$78
15 views
0 likes
0 comments
Post
