金西南米線

Open Now

Now Closed

今日終於去左食呢間新開近排成日排長龍嘅金西南米線！酸辣小鍋米，湯底酸香開胃，辣度比平時食開重料啲，但唔會搶喉。米線煮得啱啱好，有咬口。配料方面揀咗，日本鳕角豆腐、芝心丸、魚皮餃。我最鐘意嘅配料係金獎腩肉，肥瘦均勻，微辣惹味，同埋竹笙吸滿湯汁，爽口又入味。小食方面，椒鹽炸魚蛋同椒鹽炸燒賣炸得金黃香脆好香口。麻辣手撕雞辣得過癮，麻香十足；藤椒魚皮爽滑彈牙，藤椒味清新帶微麻，好開胃；炸海鮮卷外皮酥脆，單吃有點膩，配沙律醬更加平衡。價錢方面相對進取，但地點方便，加上份量足，整體來說服務同食物質素唔錯，性價比尚可，難怪最近咁多人排隊一試！