Le Viet

Open Now

Now Closed

最近同朋友講起想食d正宗越式菜，聽講 「Le Viet」新推出左越南菜 X 限定小黃牛肉粉系列，有匙炳、吊龍同雪花湯粉，中意食牛既朋友真係必點！加上價錢好抵食，於是就相約左朋友一齊黎試下，順便聚一聚。.越式拼盤 $118一黎到就點左個越式拼盤，$118 真係好岩想樣樣都試下既人。拼盤入面有扎肉蒸粉包、蝦餅、春卷同燒豬肉，每款都好有特色。我最鐘意既係扎肉蒸粉包，外層係濕粉皮，入面塞滿材料，有扎肉絲、木耳、碎豬肉同甘筍條等，頂層仲有香蔥同乾洋蔥片點綴，食落口感豐富，味道清新又惹味。.手撕雞扎肉湯粉 $76主菜試左手撕雞扎肉湯粉，$76 一碗份量好足，入面有吾少手撕雞肉、扎肉同豆芽，湯底清清地但好濃郁，充滿雞湯既香味。河粉滑溜，配埋濃湯同材料食，暖笠笠好舒服。.特別火車頭 $88另一款試左特別火車頭，$88 一碗有牛肉丸、牛肉、牛肚、洋蔥同芽菜，湯底用左豬骨濃湯，味道好濃厚。配埋越式河粉，河粉吸滿湯汁，牛肉類既口感同鮮味一齊爆發.蘆薈柑桔檸檬特飲 $36飲品方面點左蘆薈柑桔檸檬特飲，飲落好清新，蘆薈粒粒爽口，柑桔同檸檬既酸甜味好夾，飲落解渴又解膩，食完湯粉黎一杯真係好正。