三郎。燒肉

Open Now

Now Closed

今日lunch time 去左位於尖沙咀嘅燒肉店，位置方便，座位寬躺，木系裝修令人感到舒服。分別點左2款lunch set，每款lunch set 都包左沙律同埋茶碗蒸。沙律沙律菜新鮮，清爽又健康。茶碗蒸蒸蛋非常嫩滑，口感極為順滑，仲加入左高湯，香菇等配料。A5和牛&牛舌涮涮鍋御膳 1人前A5和牛和牛舌望落去已經見到非常新鮮，輕輕涮一涮就食得，A5和牛入口溶化，牛舌有微微嚼勁，可以加埋柚子豉油食，提升肉質鮮味。另外仲有雜菜同埋烏冬，烏冬口感煙韌，冬天食涮涮鍋暖笠笠。松葉蟹&海膽甲羅燒石鍋飯御膳松葉蟹和海膽都係本人最鍾意嘅組合，石鍋飯加入咗櫻花蝦，入口非常之香，仲有脆卜卜嘅飯焦，非常香脆。甲羅燒入面有松葉蟹蟹膏、蟹肉、海膽，非常鮮甜。