家賀屋刺身寿司專門店

家姐鍾意食日本嘢，呢間日本餐廳網上見到覺得價錢合理，而且食物質素高，我哋叫咗個彩虹壽司卷，有唔同款式嘅刺身卷，我最鍾意帶子入邊包住蟹柳青瓜等，另外叫咗個吞拿魚蓉井飯，吞拿魚蓉入口好軟滑，而且好鮮甜肥美。為咗家姐慶祝生日，之前預訂咗白象拔蚌刺身，好食到令我覺得好驚喜，象拔蚌好鮮甜爽脆，而且份量都唔少，兩個人食啱啱好，最驚喜係連象拔蚌內臟都做得好好，配埋個汁好惹味，一隻象拔蚌食到兩種唔同口感，呢排仲要做緊半價，我覺得一定要嚟試吓。之後叫咗啲串燒用嚟送啤酒，生啤做緊半價只係30幾蚊，又飲又食真係好開心。我之前同餐廳講咗希望畫到麵包超人甜品蝶比家姐一個驚喜，點知餐廳真係非常用心，麵包超人畫得係超級可愛，絕對唔係求其，靚到我哋嘩嘩聲，超級心心眼不停瘋狂打卡影相，家姐非常滿意我嘅安排，而我自己亦都食得十分開心，下次有其他朋友生日一定會再嚟。