Video
Read full review
2022-03-03
905 views
有冇朋友仔想試啲好食得黎又經濟嘅Omakase？不妨試下呢間性價比超高嘅餐廳啦——Omakase lki粹，包你又驚又喜，滿載而歸(肚仔)💁🏻♀️😋🌟餐廳只有兩邊bar台，提供8個座位，需提前預約。座位數量雖少，但服務員數量好多，每一個都好有禮貌，服務周全細緻得黎唔會有壓逼感，整個用餐過程感覺好舒服自在👍🏼🌟餐廳內有兩位廚師主理，佢地經驗豐富，製作用心，仲會同客人傾計，了解客人口味，再customize both醬油&食物比客人，非常細心👍🏼💁🏻♀️Omakase (Lunch) $880整個set包括多項前菜，1項炸物，10貫壽司(1貫自選)，1碗湯同1個甜品。因為廚師會嚴選日本唔同地區出產嘅季節時令食材製作，所以冇固定食材架😆前菜酸酸甜甜，清新得黎好開胃，最大驚喜係粒清酒煮番茄仔，一咬落去啲清酒味出曬黎🍅另外隻生蠔既大隻又肥美，食落淡淡肉，甜甜地之如唔會腥🦪海膽甜蝦亦都好鮮甜好creamy😋然後出場嘅係天婦羅炸物，外皮香酥鬆脆，沾鹽+檸檬汁食已經夠味，唔需要再另沾壽司醬油🍤接著係主角嘅出場，全部壽司不論係握壽司，卷壽司定軍艦卷，塗上嘅醬汁雖濃，但鹹度恰到好處，啱曬我呢啲重口味嘅人😙
有冇朋友仔想試啲好食得黎又經濟嘅Omakase？不妨試下呢間性價比超高嘅餐廳啦——Omakase lki粹，包你又驚又喜，滿載而歸(肚仔)💁🏻♀️😋
🌟餐廳只有兩邊bar台，提供8個座位，需提前預約。座位數量雖少，但服務員數量好多，每一個都好有禮貌，服務周全細緻得黎唔會有壓逼感，整個用餐過程感覺好舒服自在👍🏼
🌟餐廳內有兩位廚師主理，佢地經驗豐富，製作用心，仲會同客人傾計，了解客人口味，再customize both醬油&食物比客人，非常細心👍🏼
💁🏻♀️Omakase (Lunch) $880
整個set包括多項前菜，1項炸物，10貫壽司(1貫自選)，1碗湯同1個甜品。因為廚師會嚴選日本唔同地區出產嘅季節時令食材製作，所以冇固定食材架😆
前菜酸酸甜甜，清新得黎好開胃，最大驚喜係粒清酒煮番茄仔，一咬落去啲清酒味出曬黎🍅另外隻生蠔既大隻又肥美，食落淡淡肉，甜甜地之如唔會腥🦪海膽甜蝦亦都好鮮甜好creamy😋
然後出場嘅係天婦羅炸物，外皮香酥鬆脆，沾鹽+檸檬汁食已經夠味，唔需要再另沾壽司醬油🍤
接著係主角嘅出場，全部壽司不論係握壽司，卷壽司定軍艦卷，塗上嘅醬汁雖濃，但鹹度恰到好處，啱曬我呢啲重口味嘅人😙材料非常新鮮，每一款嘅魚味都非常濃郁，睇住師傅手持長刀係我地面前盡顯刀工切魚生，真係好有型呀😚印象最深刻嘅係拖羅三文治，一塊脆卜卜嘅紫菜夾住塊中拖羅+大拖羅+炙燒拖羅，入口即溶，油脂感同外脆內軟嘅口感爆分😋其次嘅係魚味超濃嘅鯖魚，入口即溶嘅左口魚同超鮮甜飽滿嘅海膽軍艦卷，非常滿足！！
最後係湯同甜品。湯嘅材料非常豐富，有蝦，蛋，秀珍菇等，非常入味🥣至於甜品係甜到入心嘅日本哈密瓜🍈好食到想瘋狂encore😭
整體而言，壽司份量偏多，配搭十分充足，呢個價錢，坐係呢個環境下，食到呢個質素嘅食物，真係物有所值！此外，值得一提嘅係，每位廚師只會對2-4個客人，從而確保上菜速度，食物質素，同可以認真照顧到每一位客人嘅需要👍🏼👍🏼👍🏼
😍整體評分
味道：🌟🌟🌟🌟🌟
價錢：🌟🌟🌟🌟
環境：🌟🌟🌟🌟🌟
服務態度：🌟🌟🌟🌟🌟
instagrammable：🌟🌟🌟🌟🌟
——————————————————————
粋 (尖沙咀)
地址：尖沙咀漆咸圍10-12號意4樓
Post
