Video
Read full review
2024-12-22
171 views
《牡蠣小屋 - 銅鑼灣》辛苦得來志在食😆收咗工就梗係要約埋朋友飲返杯食吓好嘢啦🤗平時多數飲吓白酒食生蠔，今日我哋食燒蠔同埋蠔定食😍去咗位於銅鑼灣一間出名食鐵盒燒生蠔嘅日式居酒屋飲番杯同埋食下蠔🦪七點到已經好多人喺度開緊餐飲緊酒，記住想食呢一間餐廳一定要book位😏在場有好多日本人，估計呢度都係不少在港日本人嘅聚腳地😉而家餐廳每一日都有指定餐點或者酒水優惠，而生啤每杯$58 都仲有買一送一優惠，平均每一杯$29咋，超級抵飲💪🏻而餐廳到咗八點就會有一個互相祝酒嘅環節，店員會喺度打鼓助興，全場人都有得免費飲清酒一杯，大家一齊乾杯，氣氛非常熱鬧😍無論係店員定係食客都好，睇得出大家都好盡興，想體驗日本居酒屋文化的話，呢一度絕對係不錯嘅選擇💁🏻♀️鐵盒燒廣島生蠔半打 $240 可加$43追加芝士我係特意過嚟食呢一個鐵盒燒廣島蠔，之前見人哋介紹已經覺得好邪惡，店員燒生蠔之前會俾我哋望一望啲蠔，隻隻都肥美大大隻，基本上半打兩個人食已經好足夠，因為啲蠔燒完之後都冇縮水，啖啖肉好滋味，仲感受到原汁原味海水嘅味道👅食落非常鮮甜👍🏻如果想再邪惡啲可以加$43追加非常拉絲嘅芝士🧀食落係另一種感覺，芝士嘅鹹香味帶
辛苦得來志在食😆收咗工就梗係要約埋朋友飲返杯食吓好嘢啦🤗平時多數飲吓白酒食生蠔，今日我哋食燒蠔同埋蠔定食😍去咗位於銅鑼灣一間出名食鐵盒燒生蠔嘅日式居酒屋飲番杯同埋食下蠔🦪七點到已經好多人喺度開緊餐飲緊酒，記住想食呢一間餐廳一定要book位😏在場有好多日本人，估計呢度都係不少在港日本人嘅聚腳地😉而家餐廳每一日都有指定餐點或者酒水優惠，而生啤每杯$58 都仲有買一送一優惠，平均每一杯$29咋，超級抵飲💪🏻而餐廳到咗八點就會有一個互相祝酒嘅環節，店員會喺度打鼓助興，全場人都有得免費飲清酒一杯，大家一齊乾杯，氣氛非常熱鬧😍無論係店員定係食客都好，睇得出大家都好盡興，想體驗日本居酒屋文化的話，呢一度絕對係不錯嘅選擇
💁🏻♀️鐵盒燒廣島生蠔半打 $240 可加$43追加芝士
我係特意過嚟食呢一個鐵盒燒廣島蠔，之前見人哋介紹已經覺得好邪惡，店員燒生蠔之前會俾我哋望一望啲蠔，隻隻都肥美大大隻，基本上半打兩個人食已經好足夠，因為啲蠔燒完之後都冇縮水，啖啖肉好滋味，仲感受到原汁原味海水嘅味道👅食落非常鮮甜👍🏻如果想再邪惡啲可以加$43追加非常拉絲嘅芝士🧀食落係另一種感覺，芝士嘅鹹香味帶出咗生蠔嘅鮮甜，不過有心理準備食完呢三隻生蠔就已經飽咗三成🤣但我依然推介👍🏻必食💁🏻♀️和牛卡爾帕喬 $148
生牛肉其實我平時好少食，最主要係怕牛肉嗰浸鐵銹味，但係用和牛製作嘅卡爾帕喬就絕對冇呢個感覺，和牛肉包住生洋蔥再配上黑醋同埋各種調味，黑醋嘅味道配上海鹽帶出咗和牛嘅油脂同埋甜味，呢個沙律食落好清新，而且出邊好少機會食到，我覺得接受到生牛肉的話一定要試吓，佢呢個做法有少少西式，但係食落嘅味道又好有日本和食的感覺💁🏻♀️白姜醋鯖魚昆布 $98
平時我好少食酸薑片，但係配上醋鯖魚個味道又好夾喎，用咗昆布包住咗肥美嘅鯖魚同埋酸薑，酸薑有少少辛辣，啱啱好可以辟到鯖魚嗰浸腥味，鯖魚個感覺有啲似食緊蛋糕咁，有一種好Creamy嘅感覺，成道菜色酸酸辣辣咁好開胃💁🏻♀️蒜香辣椒牡蠣八爪魚意粉 $118
接住落嚟就到主菜，呢一個意粉超大份，入面嘅配菜有八爪魚同生蠔，用橄欖油同蒜蓉炒香左之後又係另一種食法，意粉辣辣地好開胃，個生蠔炒得唔會乾身，仲係食得到佢肥美嘅口感，配上意大利粉就可以解除油膩感，成個意粉三個人食我都覺得唔過分💁🏻♀️巴馬火腿忌廉芝士凱撒沙律 $98
食完咁多蠔梗係要解一解膩叫返個沙律，但係原來呢個沙律都唔少嘢㗎，又係勁大份🤭凱撒汁同沙律其實好夾，沙律菜都係選用咗新鮮嘅羅馬生菜製作，配上巴馬火腿同埋原粒忌廉芝士，成件事又係好邪惡🤣💁🏻♀️美國安格斯牛扒爐端燒 $198
兩個人食咁多嘢應該嚇死人，但係當晚我哋不停飲住啤酒不停食，唔覺唔覺啲嘢又俾我哋清晒喎🤣最後呢一個安格斯牛扒係用爐端燒嘅方法製作，配上特製嘅黑椒醬汁，牛扒應該七成熟左右，牛肉味濃郁而且表皮有少少微脆嘅感覺，配上下面嘅沙律菜，又係一道送酒嘅菜餚
Post
