保頓冰室

Open Now

Now Closed

朋友喜歡懷舊香港味，所以一定要試吓位於尖沙咀亞士厘道嘅保頓冰室。由裝修到食物都係充滿懷舊風情嘅茶餐廳。餐廳內仲播住梅艷芳的金曲，首首經典，讓用餐體驗更添情感。先試「中式牛柳豬油撈飯」，牛柳嫩滑多汁，搭配撈飯的豉油與豬油，香氣撲鼻。服務員教我哋，先取出餸後拌勻豉油與豬油，簡單卻滋味十足，令人回味無窮。跟住係「美式雜扒配薯菜」，套餐有羅宋湯與餐包，湯用料十足味道豐富濃郁；餐包鬆軟可口。雜扒選擇豐富，有豬扒、雞扒、司華力腸、煙肉同炸雞翼，我揀咗黑椒汁，汁濃郁微辣，同薯菜搭配恰到好處。值得一提薯條係另上的，熱辣辣脆卜卜仲大大份，十分抵食。飲品方面，除咗茶餐廳名物「凍檸茶」外，「凍菜蜜」味道都剛剛好。特別推介「滾水雞蛋」，絕對係懷舊之選。甜品「雪糕菠蘿包」是亮點，菠蘿包夾住冰涼雪糕，口感對比令人驚艷，甜而不膩，今晚非常完美。