割烹 櫓杏 (iSQUARE國際廣場)

Open Now

Now Closed

前排偶然間搵到呢間尖沙咀嘅割烹櫓杏，食咗一次之後就徹底愛上咗呢度，真係冇諗過日本菜可以咁好味。上次試咗佢哋嘅晚餐套餐，選擇好多，加上佢哋嘅用餐環境，簡直係一流，環境光線色調非常適中，用餐嘅時候會覺得呢度非常放鬆。我自己叫咗佢哋賣相已經好吸引嘅火山鍋，入面嘅火鍋料真係好足，不止係豬五花，仲有各種蔬菜，豬五花嘅口感同味道都非常新鮮，而且可以好快吸收湯汁嘅精華，好入味。呢度嘅特色黑松露茶碗蒸味道亦都係一流，微微嘅黑松露香氣，茶碗蒸入口即化嘅口感，令人慾罷不能。佢哋仲有熊本天草直送嘅刺身盛合同鮮魚壽司三件，樣樣都係極品。刺身盛合入面嘅蝦口感非常綿密，然後有非常濃郁嘅鮮蝦甜，魚肉嘅口感亦都非常軟糯。鮮魚壽司就係非常鮮甜，再加上一啲調料同醋飯嘅點綴，味道不同凡響。仲有值得一提嘅菜就係佢哋非常有特色嘅土佐酢青瓜鰻魚，佢哋嘅土佐酢醬汁加喺鰻魚同青瓜上面，使味道千變萬化，為口味帶嚟新鮮感，食住唔膩。環境好，食物又好食，今時今日好似呢啲餐廳已經好難搵啦！