保頓冰室

Open Now

Now Closed

冰室：對於現代人嚟講，其實只係一個舊香港飲食文化嘅代名詞，而位於尖沙咀嘅保頓冰室，就將呢個代名詞演繹得淋漓盡致！由踏入餐廳，無論裝修設計定室內佈置，都令你置身昔日嘅香港，加上香噴噴嘅懷舊豬油撈飯，呢份復古感令人毫無違和感。沙嗲牛肉麵配紅腸午餐肉菠蘿包沙嗲牛肉香辣惹味，牛肉片滑唔鞋口，加埋紅腸同午餐肉，非常滿足。仲可以將普通多士升級做外脆內軟嘅菠蘿包。美極洋蔥豬扒豬油撈飯呢個豬扒豬油撈飯真係勁邪惡，豬扒滲住美極醬油嘅香氣，鹹香中帶啲甜味，配埋炒到半透明嘅洋蔥絲，非常惹味。重點係個豬油撈飯，熱辣辣白飯撈埋香噴噴豬油同豉油，食停唔到口！西多士西多士炸到金黃香脆，配上花生醬餡料，再加牛油同糖漿，香濃得嚟又唔會太膩！瑞士雞翼雞翼煮到入晒味，瑞士汁鹹中帶甜，雞皮煮得啱啱好，唔會過腍，仲保留咗啲口感。送飯一流，單食都好惹味。菠蘿冰大熱天食返杯菠蘿冰真係透心涼，濃郁嘅菠蘿味，再加上菠蘿肉，非常足料，口感清爽！