SOYmart by 豆乳狂人

Open Now

Now Closed

本人係豆品類愛好者，成日食豆腐花飲豆漿。每次行過見到大排長龍，令我對佢期望值有啲高，今次終於的起心肝排隊一試。點餐排左大概十分鐘，還可以。首先係芋泥豆乳（$32）同豆豆仙草（$45）諗住分開芋泥同豆乳飲，試吓材料嘅原味：飲左一啖，好驚訝，芋泥，係咸嘅？飲埋7.6豆乳，冇豆香味。我以為係我未撈勻先至怪怪地，點知撈埋咗係更加唔知飲緊乜。難道要自己加糖水先好飲？但芋泥咸到我有食緊薯蓉嘅錯覺。豆豆仙草，豆花和芋圓都不錯，但敗北在加入了椰奶⋯令豆味無法突出，而且非常之甜。如果鍾意食豆味嘅人，我諗唔好期望咁多⋯或者叫返個淨豆腐花算。 但淨豆腐花，街邊平價又高質多的是，不必俾咁貴去食取巧嘅東西。