Video
Read full review
2025-05-07
12 views
放工同朋友去居酒屋鬆一鬆，呢間響正k11斜對面，非常就腳！先嚟一個迷之刀五點刺身盛合：有牡丹蝦、吞拿魚腩、油甘魚、北海道帶子同三文魚魚子卷，食材非常新鮮！牛油果山葵漬：非常之特別！！以前都知道牛油果點日本豉油會有刺身嘅感覺～原來加埋山葵（wasabi）同雪菜，會有另外一番體驗～好清新，好fresh！清酒煮白蛤鍋：份量非常充足，白蛤好大隻，勁鮮甜～灑上蔥花，香氣四溢！三文魚層層疊：最底係青瓜卷，上面鋪咗好多三文魚條，再加上沙律醬同芝士片～服務員幫你用火槍燒到香曬，卜卜聲起晒泡！一啖咬落去，滿足感爆燈！厚切牛舌芯：係我食過咁多次牛舌芯最好食嘅一次！佢配上一個好特別嘅芥末醬同檸檬汁，燒得剛剛好，中間仲係鮮嫩嘅粉紅色 ！雞皮餃子：起初以為會有啲油膩，點知佢個雞皮非常薄，燒到好香脆～包住餃子餡，點返個柚子醋，完全平衡返啲味蕾！串燒：叫咗軟骨雞肉棒，一定係配玉子～仲有雞中翼，鹽燒係冇得輸嘅！最後整杯菠蘿燒酎，完美的一餐！
先嚟一個迷之刀五點刺身盛合：有牡丹蝦、吞拿魚腩、油甘魚、北海道帶子同三文魚魚子卷，食材非常新鮮！
牛油果山葵漬：非常之特別！！以前都知道牛油果點日本豉油會有刺身嘅感覺～原來加埋山葵（wasabi）同雪菜，會有另外一番體驗～好清新，好fresh！
清酒煮白蛤鍋：份量非常充足，白蛤好大隻，勁鮮甜～灑上蔥花，香氣四溢！
三文魚層層疊：最底係青瓜卷，上面鋪咗好多三文魚條，再加上沙律醬同芝士片～服務員幫你用火槍燒到香曬，卜卜聲起晒泡！一啖咬落去，滿足感爆燈！
厚切牛舌芯：係我食過咁多次牛舌芯最好食嘅一次！佢配上一個好特別嘅芥末醬同檸檬汁，燒得剛剛好，中間仲係鮮嫩嘅粉紅色 ！
雞皮餃子：起初以為會有啲油膩，點知佢個雞皮非常薄，燒到好香脆～包住餃子餡，點返個柚子醋，完全平衡返啲味蕾！
串燒：叫咗軟骨雞肉棒，一定係配玉子～仲有雞中翼，鹽燒係冇得輸嘅！
最後整杯菠蘿燒酎，完美的一餐！
Post
