Video
Read full review
2023-12-19
131 views
十和田總本店 Towada Sushi📍尖沙咀金馬倫道42號華懋金馬倫中心地舖又一次牙科複診後，喺尖沙咀街頭同朋友一齊搵食。因為未到放飯時間，所以周圍都唔算多人，有啲餐廳都係剛剛開門無耐。正當我哋煩緊食咩嘅時候，就見到一間日本餐廳由「準備中」變成「營業中」，只需$80-150左右就食到一個日式午市定食，價錢喺尖沙咀地段嚟講算幾親民，所以就做咗開門第一檯幫襯嘅食客。呢間餐廳店內主要用咗木嘅元素裝修，除咗二人檯外，亦都可以選擇坐壽司吧枱，睇住師傅職場炮製料理。餐廳內每張凳下面都置有一個藤籃，俾食客放低隨身物品，安排非常貼心。 💰$108豬軟骨稻庭烏冬 🍜平時比較鍾意食飯嘅我，今日一反常態，想試下呢度嘅烏冬。個人認為呢個套餐幾抵食，因為除咗有烏冬外，仲會有隨機跟餐壽司，我哋食到嘅仲係三文魚壽司添！三文魚壽司 🍣三文魚好厚身，肉質肥美，配赤醋壽司飯一齊食，只需要加少少Wasabi就可以食到魚肉同壽司飯嘅原汁原味。豬軟骨烏冬湯底濃但唔油膩，仲有淡淡嘅醬油香同少量昆布，同滑溜彈牙嘅稻庭烏冬好夾。一碗烏冬配有接近五件大大嚿嘅豬軟骨，每件都煮得非常腍身，瘦肉部份唔會乾柴，脂肪亦唔會食到成口肥油，整體口
📍尖沙咀金馬倫道42號華懋金馬倫中心地舖
又一次牙科複診後，喺尖沙咀街頭同朋友一齊搵食。因為未到放飯時間，所以周圍都唔算多人，有啲餐廳都係剛剛開門無耐。正當我哋煩緊食咩嘅時候，就見到一間日本餐廳由「準備中」變成「營業中」，只需$80-150左右就食到一個日式午市定食，價錢喺尖沙咀地段嚟講算幾親民，所以就做咗開門第一檯幫襯嘅食客。
呢間餐廳店內主要用咗木嘅元素裝修，除咗二人檯外，亦都可以選擇坐壽司吧枱，睇住師傅職場炮製料理。餐廳內每張凳下面都置有一個藤籃，俾食客放低隨身物品，安排非常貼心。
[價錢 Price]
💰$108
豬軟骨稻庭烏冬 🍜
平時比較鍾意食飯嘅我，今日一反常態，想試下呢度嘅烏冬。個人認為呢個套餐幾抵食，因為除咗有烏冬外，仲會有隨機跟餐壽司，我哋食到嘅仲係三文魚壽司添！
三文魚壽司 🍣
三文魚好厚身，肉質肥美，配赤醋壽司飯一齊食，只需要加少少Wasabi就可以食到魚肉同壽司飯嘅原汁原味。
豬軟骨烏冬湯底濃但唔油膩，仲有淡淡嘅醬油香同少量昆布，同滑溜彈牙嘅稻庭烏冬好夾。一碗烏冬配有接近五件大大嚿嘅豬軟骨，每件都煮得非常腍身，瘦肉部份唔會乾柴，脂肪亦唔會食到成口肥油，整體口感軟嫩，食到滿滿嘅膠質，讚！
[價錢 Price]
💰$118
穴子丼 🍱
愛嚐新嘅朋友就當然揀咗一啲比較少人選擇嘅嘢食啦，本身佢係想試吓呢度嘅鰻魚飯嘅，但俾賣相差唔多嘅穴子丼吸引咗，於是就捨棄鰻魚，叫咗穴子嚟試下。
穴子，又名星鰻，肉質比較纖細，魚油不及鰻魚豐富，但勝在味道清甜帶鮮味，搭配醋飯一齊食，比起蒲燒鰻魚更多一番風味。穴子嘅魚肉偏單薄，有好多幼細嘅魚骨，但都唔需要刻意挑走，因為基本上細到可以直接吞食。
由於穴子本身味道比較清淡，所以餐廳係整呢個丼飯嘅時候都落咗啲心機，分別加入紫菜碎、紫蘇葉、Wasabi等等嘅食材搭配赤醋飯嚟食，再喺穴子上面淋滿味道濃郁嘅醬汁，唔需要額外加豉油都已經夠晒味。
跟餐仲有麵豉湯同蒸蛋，前者嘅油豆腐非常好味；後者就非常足料，有蟹柳、白果、鳴門卷、冬菇等等嘅茶碗蒸，以呢個價錢嚟講性價比真係幾高。
Post
