一人燒肉館

近年興一人前日式燒肉，最近發現將軍澳南開咗間日式燒肉店，見有唔少街坊幫襯，價錢都幾合理，即管同朋友入去食下燒肉。餐廳主打一人前燒肉定食，價錢大約由幾十至百零蚊。定食包咗沙律、麵豉湯、肉、白飯同埋飲品，另可單點肉類。我哋點咗肉眼扒同牛板腱+牛肩胛套餐各一，肉嘅質素都唔錯，尤其係肉眼扒超有驚喜，牛味濃郁，就算唔使點醬料都好味，呢個性價比好高。最後食埋餐廳奉送嘅棉花糖，造型可愛，味道都唔錯。餐廳座位唔算太多，座位闊落好錯，抽氣都做得唔錯。店員亦親切有禮，唔怪之得咁多街坊幫襯。