喜記蟹將軍

Open Now

Now Closed

前排知道呢度有個奄仔蟹二人套餐，六百幾蚊，每人有一隻清蒸和一隻牛油鹽燒奄仔蟹、杏汁白肺湯，乳鴿、時蔬、炒麵，真係幾化算。6點幾來到，已經有不少食客。個湯幾足料，夠香，好味。乳鴿燒得皮脆肉嫩，多肉汁，正。雖然奄仔蟹蟹膏較硬身，並不是我喜歡的質感，但清蒸方法可以食到啖啖蟹肉的鮮甜，而牛油鹽燒就非常惹味，邊食邊連番舔手指，讚。再來蒜蓉油麥菜和蟹油炒麵。菜炒得夠鍋氣，而麵的蟹油味雖然並不突出，但勝在不油膩又夠豉油香。整體味道不錯，餐廳環境算舒服，但上菜有點快，而拆蟹要花點時間，以致枱面堆放著很多碟菜式也放涼了，有點美中不足。