好湯好麵

Open Now

Now Closed

大圍附近食肆林立，有新有舊。好湯好麵主打足料靚湯優質食材，甚至乎湯比麵好（？）有一日夜晚黎到唔使等位，不過入座之後好快就滿了。 迷你佛跳牆：鮑魚、海參、素翅、魚肚、日本地雞肉、北海道刺身帶子、花菇雲腿絲、高湯、扁陽春麵。中式高湯味咸香濃厚，就係有一種食翅嘅感覺。 海龍皇湯：藍蟹肉、海蝦尾、北海道魷魚、北海道刺身帶子、廣島蠔肉、蝦頭油、皇湯、陽春麵。皇湯係用蝦頭煲嘅海鮮湯（？）有少少似西式嘅龍蝦湯，蝦肉爽脆彈牙。仲有濕紙巾畀你抹手摵蝦tim 玫瑰豉油雞中翼：就係好香豉油味嘅雞中翼 相比之下我比較喜歡高湯，因為飲多幾啖都無咁膩，咁當然呢個可能係個人口味問題。整體黎講都真係幾足料同湯頭唔錯，抵食就唔算架喇，不過我覺得都算對得住價錢。環境方面就坐得比較逼少少。