龍點心 (寶漢大廈)

Open Now

Now Closed

呢度除左點心仲有精品賣，茶品選擇豐富，有九種甘多，滿足不同口味，小編推薦香片茶味清香唔會太濃郁。呢度既燒賣款式繁多，值得一試。好多創新口味好似冬蔭功燒賣辣辣地又過癮，黑松露燒賣就成塊松露菌放上燒賣上面蒸，玩味十足，龍記六寶燒賣更俾到客人唔同燒賣款式既享受每款一粒，叉燒腸粉軟綿綿，叉燒好厚肉。蝦多士脆炸配埋千島醬好夾，多士一啖一口唔會太油膩。點心皆是即叫即蒸，保證新鮮熱辣。用餐環境寬敞舒適，不會感到侷促。