Video
1-min walk from Exit C, Causeway Bay MTR Station
continue reading
Telephone
23384488
Introduction
This dim sum restaurant is designed with an ancient tea house in cartoon style, which is young and colorful. The dim sums are made by experienced chefs and are presented with modern plating.
continue reading
Opening Hours
Today
08:00 - 00:00
Mon - Sun
08:00 - 00:00
Above information is for reference only. Please check details with the restaurant.
About Reward Scheme
Offers
餐牌有好多創意點心，好適合鐘意新鮮感嘅朋友，好想全部都試吓。💯一籠大滿足 酸菜魚鳳眼餃：真係食到酸菜魚嘅味道，撈埋蝦肉一齊，微微嘅酸酸辣辣，有新意又好味。蟹粉菠菜香蝦餃：蟹粉係甜味，加埋d 魚子一齊增加口感，唔錯。筍尖蝦餃皇：蝦肉爽彈鮮甜，唔錯。松露野菌晶瑩餃：菇味濃郁，但係就唔係黑松露味，不過都好味。豌豆桃子餃： 有淡淡的斑蘭蓉嘅味道，但質地太硬實。🤔鹹蛋黃墨魚燒賣：墨魚好彈牙，但係鹹蛋黃味道唔突出，一般。星加坡黑胡椒蟹燒賣 $46賣相唔係好靚。黑椒汁少少酸酸辣辣地，唔鍾意個酸味。燒賣肉質結實，帶胡椒味。呢個我個人覺得普通，唔推介。口水汁龍利魚腸粉 腸粉嘅外皮薄得來又有啲煙靭嘅口感，口水汁少少辣但又唔會好霸道，唔錯。香辣雞軟骨燒賣 好大粒嘅雞軟骨，提供粒粒嘅口感，帶非常非常輕微嘅麻辣味道。馬拉小籠包 馬拉味道就係若隱若現嘅肉骨茶醬油味道，淡淡地，有新鮮感得來又夾到，唔錯。🤔厚切叉燒腸粉 叉燒真係比平時食到嘅叉燒腸厚d ，叉燒唔算太肥，質感堅硬。如果叉燒肥返啲會好味d，而家口感太硬實。👌🏼熊貓涼粉：熊貓造型好得意，糖水唔會太甜。熊貓造型係一個好硬唔係幾食得嘅棉花糖。💯桂花糕造型好靚！味道帶有桂花香味，視覺享受得來又好味。
continue reading
每次我有親戚係外國返來，都好想同佢地試呢間點心，望落乾淨得來有舊式情懷，加上標榜創意點心，我都試下點樣又懷舊又有創意？👀/龍記陸寶燒賣拼盤$70/🐟蜆蚧魚肉燒賣：咬入去，十足十食到蜆蚧鯪魚球嘅味，蜆蚧味夠曬鹹香！🙂↕️🦀星加坡黑胡椒蟹燒賣：好食到差啲想encore一籠呢個，個黑胡椒醬，夠thick，重黑胡椒香但唔辣🫢，燒賣面頭仲真係有蟹肉，真係好食到激死我（作為燒賣愛好者點解咁遲先遇到佢？）👀👀🌶️香辣雞軟骨燒賣：雞軟骨增加左好多口感，幾趣致。入面嘅辣油偏向「麻」嘅感覺居多，味道仲有啲似譚仔麻辣三小，amazing！🍄黑松露珍香燒賣：黑松露味好清香，無煤氣味，黑松露片仲要幾脆身👍🏻十年陳皮燒賣：比懷舊燒賣味道更濃郁，更鹹香，讚！🫰🏻懷舊燒賣：啖啖肉感，遊客必try/羊肚菌牛肉球$46/雖然我唔明點解牛肉球底要有咁多豆🫛...但係呢份牛肉球嘅創意係十足嘅。牛肉球本人有舊式茶樓嘅味道，羊肚菌本人幾索汁，又有好感，佢哋意外地夾😽😽😽/馬拉小籠包$48/小籠包本人都幾鹹香，而且湯汁好鮮，記得嘆曬d湯先加醋呀～🫶🏻/厚切叉燒腸粉$48/朋友大讚！皆因佢食落啖啖肉，皮又夠薄，而且叉燒本人唔柴🍖/鳳爪排骨飯$58/鳳爪好入味，排骨入味到癲左，我好少會讚排骨多過鳳爪🙂↕️🙂↕️🙂↕️/豆腐布丁$30/我本身對佢無咩期望，因為我唔係豆腐控。但係，佢係super-encore-able!!! 又白又滑，上面加左少少芒果醬同莓乾，真係超級match，好食到我自己獨食左（sorry同行朋友你無得食）🥭🍓🍮
continue reading
🐷📌 #豬西食銅鑼灣 #豬西食港島.位於銅鑼灣嘅龍點心，以傳統港式點心及創意腸粉聞名🥳 招牌選擇多樣，坐得舒適，適合一家大小或朋友小聚💖.🐷牛腩蒸陳村粉
陳村粉質地滑溜有嚼勁，牛腩燉得入口即溶，而且份量都多！！濃郁牛汁滲透粉皮，口感層次豐富，惹味又暖胃。.🐷港原味2.0燒賣拼盤
拼盤集合多款特色燒賣：梅菜扣肉燒賣鹹香濃郁，肉味鮮明XO醬帶子燒賣帶微辣鮮甜* 蘇薑馬友鹹魚燒賣加入鮮味十足的鹹魚，極有層次感大澳蝦醬墨魚燒賣鮮香彈牙芫荽馬蹄燒賣清新爽口香辣雞軟骨燒賣香辣有咬口，味道夠醒胃每款燒賣造型精緻，材料講究，咬下去口感豐富～ 點埋個辣椒醬就完美啦💖.🐷脆脆富貴紅米腸粉
腸粉皮晶瑩薄透，帶鮮香紅米香氣，外層脆口，內裡柔軟，口感有層次。.🐷淮杞螺片燉竹絲雞
湯底清甜滋補，靚湯見功夫，雞肉鮮嫩，杞子同螺片添鮮補腎功效。.🐷超值價紅燒乳鴿
乳鴿皮脆肉鮮，醬汁香濃，份量足，價錢公道。.🐷宮廷桂花糕
甜品桂花香味馥郁，口感軟糯，清爽不膩，細膩地道。.龍點心
📍銅鑼灣波斯富街24-30號寶漢大廈2樓
.
#廣東點心 #腸粉 #銅鑼灣美食 #燒賣拼盤 #紅燒乳鴿 #功夫靚湯 #hkfoodie #foodiehk #銅鑼灣好去處
continue reading
相信冇乜人唔鍾意食點心，龍點心咁有特色，有機會點會唔嚟試下鳳尾蝦多士 - 經典小食，多士黃金色脆卜卜唔油膩，鳳尾蝦爽口彈牙，賣相吸引味道一流XO醬帶子燒賣 - 好特別嘅組合，有XO醬嘅鹹辣香味同帶子嘅鮮味，口感彈牙馬拉小籠包 - 外皮嘅色澤同味道都好特別，滿滿嘅湯同爆餡，係喺其他地方食唔到嘅味道龍躉球蒸飯 - 新鮮龍躉肉質厚實，簡單調味已經好好食，蒸飯粒粒分明，香氣十足豉汁排骨蒸陳村粉 - 排骨口感軟腍，陳村粉索晒排骨嘅香味 ，口感有咬口得嚟好順滑，高質另一特別嘅地方係食點心有西茶揀，伯爵茶香味夠晒突出點心、飯麵同小食嘅款式都多，睇圖都覺得吸引，款款都想試，店入面環境幾舒服，乾淨闊落，用色大膽，仲有特色手信出售，整體性價比唔錯
continue reading
好鍾意去銅鑼灣嘅龍點心，因為呢度有好多有創意又用心製作嘅點心食。陳皮醬龍躉球蒸陳村粉龍躉球肉質鮮嫩，有陳皮醬的酸甜香氣，而陳村粉質地柔韌，整體十分出色。港原味2.0燒賣拼盤一個拼盤滿足晒我所有願望，特別喜歡香辣雞軟骨燒賣，口感彈牙，雞軟骨令到成件事好有口感。另外作為芫荽控嘅我，當然都會鍾意食呢款芫茜馬蹄燒賣，佢有清新的芫茜香氣，馬蹄的脆口感，出面一定食唔到。脆脆富貴紅米腸粉腸粉外表柔滑，但內裡卻是脆脆的口感，仲有三款醬汁自由配搭。羊肚菌牛肉球冇諗過羊肚菌同牛肉球係咁perfect match! 欣賞！笑口叉燒包叉燒包外皮松軟，內餡為甜美的叉燒肉，每咬一口都充滿了叉燒的香氣。宮廷桂花糕口感柔軟滑嫩，桂花的香氣撲鼻而來，靚到唔捨得食。
continue reading
You may be interested in