Video
Read full review
2022-04-07
1472 views
話說年幾前推介某鮨店俾朋友. 佢反攻介紹 “粋” 俾我, 話係佢朋友新開嘅. 我當然冇試, 因為我怕試新嘢. 入谷之後見唔少谷友推介粋, 決定一試. 粋點讀呢? 應該係同 “碎” 同音.今日初訪. 老友 “村井” 建議一步攻頂, 點咗Omakase 餐, $880+10%. 師傅一打四.🍙 我好少講壽司飯 (Ok, 專業少少, 舍利). 今次嘅飯真係比較酸. 食第一件壽司嘅時候感覺魚飯分離. 酸嘅程度亦令我誤以為舊飯好大, 食到第二件好少少, 我諗係同魚結合好咗, 到最後嘅吞拿魚手卷反而冇晒酸味. 有趣嘅體驗.🥗 前菜: (1) 順菜配啫喱. 順菜係冇味嘅. 聽講幾有營養. 主要食啫喱味. (2) 螢光魷魚. 暖暖哋, 多膏. 應該係燒過嘅, 唔錯! (3) 浸咗梅酒嘅蕃茄, 用嚟清下個口.🦪 刺身一, 岩手縣米崎珍蠔, 加咗土佐醋啫喱. 師傅切開一半. 上半爽口, 下半滑溜. 鮮甜, 讚!🐟 刺身二. (1) 海膽配白蝦. 海膽鮮甜. 今日嘅白蝦味道出色. 淨食或者撈埋海膽都OK. (2) 地金目鯛. 燒咗嘅, 充滿油脂, 係咪燒唔夠呢? (3) 右口魚, 鮫鰈魚. 中間係燒咗嘅裙邊
今日初訪. 老友 “村井” 建議一步攻頂, 點咗Omakase 餐, $880+10%. 師傅一打四.
🍙 我好少講壽司飯 (Ok, 專業少少, 舍利). 今次嘅飯真係比較酸. 食第一件壽司嘅時候感覺魚飯分離. 酸嘅程度亦令我誤以為舊飯好大, 食到第二件好少少, 我諗係同魚結合好咗, 到最後嘅吞拿魚手卷反而冇晒酸味. 有趣嘅體驗.
🥗 前菜: (1) 順菜配啫喱. 順菜係冇味嘅. 聽講幾有營養. 主要食啫喱味. (2) 螢光魷魚. 暖暖哋, 多膏. 應該係燒過嘅, 唔錯! (3) 浸咗梅酒嘅蕃茄, 用嚟清下個口.
🦪 刺身一, 岩手縣米崎珍蠔, 加咗土佐醋啫喱. 師傅切開一半. 上半爽口, 下半滑溜. 鮮甜, 讚!
🐟 刺身二. (1) 海膽配白蝦. 海膽鮮甜. 今日嘅白蝦味道出色. 淨食或者撈埋海膽都OK. (2) 地金目鯛. 燒咗嘅, 充滿油脂, 係咪燒唔夠呢? (3) 右口魚, 鮫鰈魚. 中間係燒咗嘅裙邊, 用刺身捲番住. 明顯比地金目鯛更多油香更吸引.
刺身三, 大中小拖羅. 中間燒咗係大拖羅, 加埋紫菜. 油脂豐富, 生熟共融, 冇得輸.
🍽 熱盤, 燒鰤魚魚較. 夠熱, 外皮略鹹, 部份肉質未算超滑. 一如預期, 普通.
🍣 進入壽司環節...
第一件.. 帶子. 爽口. 略嫌鮮味不足.
第二件.. 深海池魚. 合格.
第三件.. 牡丹蝦配吞拿魚茸. 呢件特別. 牡丹蝦膠口, 吞拿魚茸嘅味道唔特別強, 但就令到口感充實, 好似將舊牡丹蝦變大咗.
第四件.. 赤鯥魚. 燒咗一定好食.
第五件.. 馬糞海膽. 鮮甜.
第六件.. 鯖魚. 又係燒咗, 加紫菜. 我幾鍾意鯖魚. 正常發揮!
拖羅手卷. 中間加咗天婦羅碎. 理論上冇乜特別, 但就非常好食.
🍈 最後有麵豉湯, 同埋蜜瓜.
🤗 總結一下: 環境OK, 服務周到. 師傅講解清晰, 有問必答. Omakase 餐份量比較豐富, 可能因為時間緊迫, 影響到用餐體驗. 刺身部份有出色嘅米奇珍蠔. 其餘一碟三件, 食落較趕, 唔夠時間欣賞. 頭段炙燒略多, 去到壽司部份魚料相對一般, 略欠驚喜. 整體食物質素不俗, 就係冇嘩一聲. 俾多少少時間發揮可能更理想. 聽講 “粋” 嘅班底係 “一幸”. 諗諗下食完個感覺都幾似. 時間關係, 可能15貫壽司餐會有更好體驗. 下次再試!
Post
