米走雞 (太子藍馬之城)

Open Now

Now Closed

一講到芝士雞煲，我諗好多人都會諗起米走雞，太子，長沙灣，銅鑼灣均有分店，我都食過幾次架喇，冇計，芝士雞煲實在太吸引。餐廳直頭印埋教學出黎，先食雞煲，後加湯打邊爐，如果如果收汁後加片芝士再落出前一丁撈更加系冇得輸。黃金芝士雞煲（$158@小): 雖然系細煲，但已經足夠二至三人食，煲裡面有大量芝士，煮沸後立即轉保溫模式先食雞件。無限芝士極其幼滑，所有雞件都比超級濃郁既芝士包圍，極盡芝味，真系香到不行了。雞件大多為雞脾肉，真材實料冇花冇假，滑嫩雞肉配香幼芝士，真系滑上加滑，芝士控一定要食。特級霜降和牛 一 色澤鮮明，非常紅潤，淨系睇個賣明已經知道靠得住。質素相當優質，牛味鮮香而濃郁到位，唔系普通手切肥牛或牛頸肉可比，坦白講，真系一分錢一分貨。