鼎泰豐

Open Now

Now Closed

今次去沙田鼎泰豐，試勻招牌同新口味，整體保持一貫高質，就算食晏時間去，都唔洗排隊。小籠包：皮薄透光，夾起唔穿底，咬開爆汁！肉餡鮮甜湯汁濃郁，蘸少少薑醋更提味，穩陣之選～ 雞肉小籠包：松露香撲鼻，雞肉餡嫩滑！ 四喜烤麩：冷盤必點！烤麩吸滿甜醬汁，配冬菇、筍片夠入味，清爽開胃。 擔擔麵：湯底花生香濃，辣度溫和，麵條掛汁彈牙，但肉碎份量偏少，略嫌唔夠喉。 炒飯：鑊氣足！飯粒分明夠乾爽，簡單但高水準。 香蔥拌麵：蔥油香突出，麵質爽滑，可惜醬汁偏少，食到後段略乾！ 環境光猛座位闊落，人均$150左右。