Video
Read full review
2025-02-02
427 views
柞木炭家環境輕奢，服務細心，性價比高，座位非常寬敞，真係完美既聚餐地點！嚟得韓國餐廳當然唔少得佢哋嘅泡菜，呢到嘅種類都唔少，而且有辣有唔辣，就算唔食辣嘅朋友都可以食，我哋全部都食晒。海鮮煎餅煎餅厚薄適中，粉漿唔會太多太厚，入面有大量魷魚同蝦等海鮮，食落表面微脆仲好鮮甜，好食！和牛盛合有兩款壽喜燒和牛，分別係和牛西冷同和牛三筋肉，肉嘅油花好靚，輕輕燒一燒兩邊就食得，重點係有店員哥哥幫我哋燒，唔使驚會過熟，點埋壽喜燒蛋汁一齊食超滿足。鰻魚我今晚最期待就係呢一塊鰻魚，原來勁大塊，店員哥哥燒得好用心。邊位燒到輕微脆身，鰻魚肉質爽彈鮮甜，一d都唔腥，真係超正呀！另外嘅幾款燒肉，質素都唔錯。牛舌爽口牛味濃又郁。五花肉肉味香濃，韓燒嘅最佳配搭。雞翼已經挑咗骨食起嚟就非常方便。仲有水果醬油雞腿肉食落有淡淡嘅水果香。半半炸雞炸雞有原味同甜辣醬味兩款。炸雞外皮香脆可口，入面保持到肉汁，肉質又嫩滑，好juicy，個人鍾意甜辣醬口味，非常惹味。傳統石頭鍋飯石鍋飯有好多配料，加上韓式辣醬拌勻，呢一part依然有店員哥哥幫手。重點係個飯焦底，超脆好香口！另外我哋都嗌咗兩杯梳打，荔枝梳打 & 提子梳打，呢度既梳打出
海鮮煎餅煎餅厚薄適中，粉漿唔會太多太厚，入面有大量魷魚同蝦等海鮮，食落表面微脆仲好鮮甜，好食！
和牛盛合
有兩款壽喜燒和牛，分別係和牛西冷同和牛三筋肉，肉嘅油花好靚，輕輕燒一燒兩邊就食得，重點係有店員哥哥幫我哋燒，唔使驚會過熟，點埋壽喜燒蛋汁一齊食超滿足。
鰻魚
我今晚最期待就係呢一塊鰻魚，原來勁大塊，店員哥哥燒得好用心。邊位燒到輕微脆身，鰻魚肉質爽彈鮮甜，一d都唔腥，真係超正呀！
另外嘅幾款燒肉，質素都唔錯。牛舌爽口牛味濃又郁。五花肉肉味香濃，韓燒嘅最佳配搭。雞翼已經挑咗骨食起嚟就非常方便。仲有水果醬油雞腿肉食落有淡淡嘅水果香。
半半炸雞
炸雞有原味同甜辣醬味兩款。炸雞外皮香脆可口，入面保持到肉汁，肉質又嫩滑，好juicy，個人鍾意甜辣醬口味，非常惹味。
傳統石頭鍋飯
石鍋飯有好多配料，加上韓式辣醬拌勻，呢一part依然有店員哥哥幫手。重點係個飯焦底，超脆好香口！
另外我哋都嗌咗兩杯梳打，荔枝梳打 & 提子梳打，呢度既梳打出奇地好飲，唔會好甜，食韓燒真係唔少得有汽飲品！
Post
