潮尚居

Open Now

Now Closed

我今日同朋友去咗一間位於尖沙咀嘅潮式菜，一入到去比佢哋嘅環境吸引到，入面好大，仲有幾間好大既房，我哋叫咗幾度菜，同大家介紹一下：石橄欖燉螺頭湯呢碗湯真係好好飲！石橄欖同螺頭嘅鮮味配搭得恰到好處，覺得好舒服，湯底清甜，香氣撲鼻。招牌滷水拼盤有晒唔同款式嘅滷味，肉質鮮嫩，味道入味。特別係滷水豆腐，口感滑，仲有一陣香料味。脆皮婆參呢個脆皮婆參外脆內軟，咬落去有驚喜，仲有一啲香味撲鼻而來，煎得好香，配埋醬汁，簡直一流。紅燒魚鰾煲魚鰾煲係一個好滋味嘅選擇，紅燒嘅醬汁濃郁，魚鰾煮得剛好，唔會過韌，仲有魷魚，食落去口感豐富。燕窩石榴雞燕窩同雞肉一齊煮，味道出奇嘅搭配。雞肉鮮嫩，燕窩清新，包埋一齊食十分perfect 反沙芋頭最後呢個反沙芋頭，外脆內軟，糖衣嘅味道唔會太膩，與芋頭本身嘅香甜味配合。