兩草 (棉登徑)

Open Now

Now Closed

小妹去咗尖沙咀搵野食😃今次介紹呢間「兩草」，好彩撞岩呢晚都叫做易搵位，呢度好自助形式，只用手提電話既Qr code落單就可以😌選擇種類不少，加上出餐快，唔洗食到趕頭趕命😆招牌脆邊蛋肉餅飯🍳🍚呢款「招牌脆邊蛋肉餅飯」可按自己選擇多蔥或走蔥，豉油可走色等😍雖然望落去感覺好細碗，但食落真係夠飽及份量不少～脆邊蛋非常香口及脆口，當然可選擇全熟蛋，但諗感覺可能會不同🙊肉餅雖然唔算厚身，但同樣大件，好好味😋配埋香甜豉油特別惹味一流👍🏻 🤤小籠包胡椒湯 呢款「小籠包胡椒湯」胡椒味超重，但反而不辣幾好飲😙 飲完暖笠笠～小籠包既表皮吸滿胡椒湯味道👅表皮厚度適中，餡料足夠，不過若然多d肉汁會更好😆蛋炒豬腸粉呢款「蛋炒豬腸粉」大推！鑊氣十足，加上炒滑蛋後食落香氣四溢😍配埋醬油惹味十足，真心一流🥰份量適中，唔會太飽又可以食其他野😝脆香魚餅一共四嚿，每嚿魚餅🍥既表面都煎到好脆口，魚肉幾彈牙🤭😋滑蛋叉燒三文治🥪呢款叉燒三文治🥪相當足料，當中包括滑蛋🥚洋蔥🧅叉燒🐖口感豐富，正😄呢間餐廳坐得幾舒適，仲帶有點懷舊既風味🥰而且不斷播放不同年代既流行歌曲，令整餐飯都會心微笑😊