保頓冰室

Open Now

Now Closed

今日約咗個朋友收工食飯，因為要去一轉尖沙咀先，朋友就推薦食呢間小店#保頓冰室 ，由尖沙咀站行過黎5分鐘左右到，地點非常方便。D餐)麻辣雞絲豬油撈飯好足料！豬油份量可自行調教，又可落點豉油甜香，粒粒分明飯粒撈上豬油、豉油，口感又香又滑，邪惡都抵擋唔到😈，食唔到好辣嘅朋友唔使擔心，辣味唔算突出，整體口感豐富，味道唔錯。F餐)鑊仔牛柳配意粉黑椒汁揀左黑椒汁，係你面前咋咋聲甘淋係扒上，肉質都好腍，仲有意粉同兩隻大蝦系表面，絕對大滿足！甜品)懷舊香蕉船賣相令人即時勾起兒時回憶，香蕉船內有香蕉及雪糕，表面有cream同朱古力脆脆。香蕉加朱古力醬十分之夾，好滿足呢！整體食物都有質素，性價比高。