Le Viet

Open Now

Now Closed

~ 🍜 越式吊龍牛肉湯河 $82 全港首創的小黃牛越南河😯，有吊龍，雪花同匙柄呢啲通常打邊爐先會有嘅牛肉部位揀😛。湯底清得嚟幾濃牛味🐄，吊龍肉薄切啱啱好，唔會韌，配埋河粉掛湯一流👍🏻。~ 🌯 春卷 $58 春卷炸到好脆身，仲跟咗生菜🥬可以配住嚟食，加埋醬汁一齊冇咁乾又更加惹味😌。~ 🍗 牛油雞翼 $78 即叫即炸🔥 所以要等耐少少。超級邪惡😈超級多脆皮但又難得冇想像中咁油膩😗。下面仲配咗好多椰菜絲可以解下熱氣同膩感🙂‍↕️。~🥭 香芒糯米飯 $68 飯後甜品首選⭐️，好彩淨係嗌咗一個主食😛。芒果幾甜配埋暖笠笠嘅椰奶白同紫糯米飯，軟糯又唔黏牙😙。~☕ 滴漏咖啡 $40 (跟餐+$8)玩味十足嘅滴漏過程⏳ ，咖啡甘香唔澀，攪勻煉奶後平衡翻😌。我哋一杯跟餐一杯散叫，一凍一熱兩款都唔錯😆。