竹面譜

Open Now

Now Closed

【黃大仙區】【竹面譜】同凌霄哥去咗睇展覽，睇完就去咗新蒲崗食嘢。我係特登帶佢去嘅，因為之前食過佢哋太子分店，覺得好正，想試埋佢哋新蒲崗分店。入到去都係傳統港式粉麵店格局，但係有皮櫈坐，過癮。我去到就試碗 $51 嘅「南乳豬手薑蔥豬雜麵」，好食又足料，掂。而佢就試 $51 嘅「鮮鵝腸黑柏葉河粉」，我有食啲料，覺得都好好食。甚至唔夠喉到要叫多碟 $45 嘅「白灼鵝腸」，肥而不膩，都係秒清。另外我哋仲叫咗碟 $38 嘅「薑蔥鯇魚皮」嚟試，我覺得係全日最好食嘅一碟，魚味夠，味香而爽口，我個人好推薦。喺太子嗰間佢哋啲炸嘢幾好，所以我哋試埋 $34 嘅「脆炸鮮蝦雲吞」拼「脆炸鮮奶卷」，果然有質素保證，好食。嘢飲方面都係飲佢哋嘅自家製涼茶，跟餐 $10 枝嘅「銀菊薏米」同「清心火」都保持水準，無糖嘅一樣正。果然都係性價比高嘅親民港式粉麵飯店。。。（地址：新蒲崗仁愛街40號地下）@cheukminpo呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店：1am1436#1amfoodie #foodie #hkfoodie #thatf