同朋友到咗尖沙咀K11樓上噅「火土燒肉」慶祝生日，裝潢幾特別，有帳篷、摺凳同煤油燈，加埋聖誕裝飾，幾有露營感。試試咗幾款招牌菜，整體體驗不錯。
🍸 熱帶風情海鮮雞尾酒杯
用酒杯裝住北寄貝、帶子同刺身，下面有檸檬同鰹魚湯啫咖哩，一齊食口感幾清新。
🥩 燒肉部分：
▪️A5和王牛三角腹肉：油花靚，炭燒後入口即溶，牛味香濃。
▪️鹽蔥牛舌包：薄切牛舌包住香蔥，燒到微焦幾香口。
▪️燒肉煙火蛋糕：兩層牛肉做成蛋糕樣，插住支仙女棒，點著時幾有氣氛，適合生日慶祝。
🦀 味噌蟹肉甲羅燒
蟹蓋裝滿松葉蟹肉同蟹膏，加鵪鶉蛋撈勻燒熱，味道鮮甜不會太鹹。
🍙 主食：
▪️月見夢王蛋黃醬燒飯糰：飯糰燒到有飯焦，戳穿蛋黃撈勻食幾香滑。
▪️柚子梅素冷麵：凍蕎麥麵配柚子梅汁，酸甜清爽，可解膩。
🥤 特飲試咗百香果梳打同芒果椰香梳打，都幾清爽。
火土燒肉環境同食物都幾有心思，A5和王牛質素好，煙火蛋糕有儀式感，如果想同朋友慶祝生日或聖誕聚餐，可以考慮呢間。
