Video
Read full review
2025-01-01
7750 views
每月一餐，節日食豪點，友人喜歡Camping，揀了以露營為主題的日式燒肉，Thanks友人book定位，20:30。適逢佳節門面設有聖誕佈置，唔少人打卡。餐廳面積頗大，設有室內及戶外，室內燒肉，戶外酒吧。以露營為主題的餐廳，裝潢設計甚有露營風格，灰色石地、水泥牆身及植物的佈置，營造自然之風，天花板上的露營天幕、撐起的帳篷、露營燈、營具的餐桌椅及餐具等的設置，仿如置身郊外露營。戶外酒吧(19:00-02:00)，設有聖誕佈置，閃爍的聖誕樹及雪地，飄雪的效果，住節及Sat更有Live Music，充滿歡樂氣氛，節日期間最低消費每位$150。我地5人，坐的是露營椅，都幾矮，但坐坐下就慣左(我腳短🙈)，友人比較高坐得唔太舒服，都係一個體驗🤣。餐牌，揀左陣都係要Set，四人精選套餐，每位$438，用餐時間100分鐘。海鹽菠蘿梳打，杯邊有海鹽，菠蘿梳打正常。伊比利亞豬肋條，正常水準。雞爽肉，正常味道。本身係濟州三花卷豚爽肉，但當日售罄，變左雞爽肉，個職員又唔講，之後睇單先知。月見醬燒飯團，外層焦香脆口，內裡軟綿，配上蛋汁更美味。A5宮崎牛肉三角腹肉，油脂豐厚，肉質軟嫩入口即化，十分香口美味!燒肉拼
每月一餐，節日食豪點，友人喜歡Camping，揀了以露營為主題的日式燒肉，Thanks友人book定位，20:30。適逢佳節門面設有聖誕佈置，唔少人打卡。
餐廳面積頗大，設有室內及戶外，室內燒肉，戶外酒吧。以露營為主題的餐廳，裝潢設計甚有露營風格，灰色石地、水泥牆身及植物的佈置，營造自然之風，天花板上的露營天幕、撐起的帳篷、露營燈、營具的餐桌椅及餐具等的設置，仿如置身郊外露營。
戶外酒吧(19:00-02:00)，設有聖誕佈置，閃爍的聖誕樹及雪地，飄雪的效果，住節及Sat更有Live Music，充滿歡樂氣氛，節日期間最低消費每位$150。
我地5人，坐的是露營椅，都幾矮，但坐坐下就慣左(我腳短🙈)，友人比較高坐得唔太舒服，都係一個體驗🤣。
餐牌，揀左陣都係要Set，四人精選套餐，每位$438，用餐時間100分鐘。
海鹽菠蘿梳打，杯邊有海鹽，菠蘿梳打正常。
伊比利亞豬肋條，正常水準。
雞爽肉，正常味道。本身係濟州三花卷豚爽肉，但當日售罄，變左雞爽肉，個職員又唔講，之後睇單先知。
月見醬燒飯團，外層焦香脆口，內裡軟綿，配上蛋汁更美味。
A5宮崎牛肉三角腹肉，油脂豐厚，肉質軟嫩入口即化，十分香口美味!
燒肉拼盤，有齊豬牛雞，有香蔥蒜末牛舌、牛肋肉、牛胸腹、伊比利亞豬肋條、豚五花及雞腿肉，香蔥蒜末牛舌，薄切牛舌口感有嚼勁，配合大量蒜末好惹味，牛胸腹軟滑又香口。
花切長牛舌，大家都好期待呢厚切牛舌，口感有點韌，味道唔算好濃郁。
A5宮崎和牛幻切沙巴當，由店員代勞燒(都啱，靚野燒禍左就🙈)，燒得幾好，口感軟嫩，油香豐富牛肉味濃，好味！
香蔥吞拿魚蓉蛋飯，吞拿魚蓉份量適中，香口美味。
熱帶風情海鮮雞尾酒杯，初步相信頭盤來，但食到中途先上似乎係漏單，雞尾酒杯以食用花作點綴賣相精緻，內有吞拿魚、北寄貝及帶子配上粒粒水果，青提醋啫喱味道酸酸甜甜，清新醒胃。
味噌蟹肉甲羅燒，味道鹹鮮，但差唔多最後先上冇飯及其他伴食，有點膩。
荔枝雪山冰，有荔枝味，個人覺得偏甜。食物味道都幾好，價格偏貴，服務態度上有禮貌，但上菜有漏單同疑似上菜次序錯左，有特色的餐廳，喜歡Camping可一試。
Post
