Video
Read full review
2025-04-13
221 views
今次嚟到位於啟德新落成嘅The Twins雙子匯餐廳UnME ，餐廳主打日法fusion菜同埋多國菜，美食種類繁多。餐廳位於雙子匯14樓，裝潢以木系簡約風為主，坐喺窗邊有日光照射令人舒適放鬆，景觀開揚，仲有個戶外平台用餐環境，可以飽覽成個啟德景色。香煎北海道帶子、少女心紅菜頭燴飯紅菜頭燴飯粉紅色好少女心，紅菜頭味道清甜清新，燴飯軟硬度適中，口感潤滑濕潤，北海道帶子經香煎後有微焦效果，帶子肉質厚身，味道鮮甜，口感彈牙。虎蝦、櫻花蝦、明太子意粉🍝明太子意粉結合咗日意風味嘅菜式，明太子帶有鹹香味，意粉掛汁，口感creamy，配上大大隻口感彈牙嘅虎蝦，好高質。蘋果木煙燻法式鵝肝配炙燒焦糖香蕉上枱時好有儀式感，打開有煙燻效果，法式鵝肝厚切，充滿豐腴脂香，入口即溶，焦糖香蕉燒至微焦，味道甜而不膩。西班牙火腿薄餅西班牙火腿帶有鹹香同埋脂香，肉質軟滑細緻，令人齒頰留香，薄餅薄身香脆，配上蕃茄同埋火箭菜，好清爽。單骨雞翼 拌 日式青芥末蒜泥蛋黄醬單骨雞翼炸至金黃色好吸引，香脆可口，配埋青芥末蒜泥蛋黄醬，帶有少少辛辣更加惹味。黑松露蛋黃醬薯條薯條香脆可口，薯條嘅份量好多，配上黑松露蛋黃醬，充滿濃厚松露香氣
今次嚟到位於啟德新落成嘅The Twins雙子匯餐廳UnME ，餐廳主打日法fusion菜同埋多國菜，美食種類繁多。
餐廳位於雙子匯14樓，裝潢以木系簡約風為主，坐喺窗邊有日光照射令人舒適放鬆，景觀開揚，仲有個戶外平台用餐環境，可以飽覽成個啟德景色。
香煎北海道帶子、少女心紅菜頭燴飯
紅菜頭燴飯粉紅色好少女心，紅菜頭味道清甜清新，燴飯軟硬度適中，口感潤滑濕潤，北海道帶子經香煎後有微焦效果，帶子肉質厚身，味道鮮甜，口感彈牙。
虎蝦、櫻花蝦、明太子意粉🍝
明太子意粉結合咗日意風味嘅菜式，明太子帶有鹹香味，意粉掛汁，口感creamy，配上大大隻口感彈牙嘅虎蝦，好高質。
蘋果木煙燻法式鵝肝配炙燒焦糖香蕉
上枱時好有儀式感，打開有煙燻效果，法式鵝肝厚切，充滿豐腴脂香，入口即溶，焦糖香蕉燒至微焦，味道甜而不膩。
西班牙火腿薄餅
西班牙火腿帶有鹹香同埋脂香，肉質軟滑細緻，令人齒頰留香，薄餅薄身香脆，配上蕃茄同埋火箭菜，好清爽。
單骨雞翼 拌 日式青芥末蒜泥蛋黄醬
單骨雞翼炸至金黃色好吸引，香脆可口，配埋青芥末蒜泥蛋黄醬，帶有少少辛辣更加惹味。
黑松露蛋黃醬薯條
薯條香脆可口，薯條嘅份量好多，配上黑松露蛋黃醬，充滿濃厚松露香氣，好邪惡。
藍柑百香果梳打
梳打藍黃漸變層色好吸睛，帶有濃厚藍柑嘅橙香味，攪拌之後味道酸酸甜甜，口感清爽。
Latte
Latte拉花可愛，入口豐盈綿密，奶味香濃，亦帶有醇厚咖啡味道。
Post
