Video
Telephone
27111311
Opening Hours
Today
12:00 - 22:30
Mon - Sat
12:00 - 22:30
Sun
Closed
Public Holiday Eve
12:00 - 22:30
Above information is for reference only. Please check details with the restaurant.
今日經過側魚涌，咁岩行過想食燒味飯就入去坐低打算試下。坐低就叫左個叉油雞飯，等左大概6-7分鐘，有另一個疑似熟客行入黎坐係我附近，佢坐低就叫左淨油雞飯。再等多左陣，見倒果個人既油雞飯上左俾佢，然後店員竟然行黎同我講冇哂油雞，要我轉第二樣。唔係好明點解先黎先叫但都可以冇，即使唔夠俾人單拼先都應該係叫果個人轉。所以呢個體驗令我覺得好差。最後我轉左叉燒燒肉飯，叉燒同燒肉都偏咸，未去到食唔倒但對於唔食得咸既朋友應該唔會想食。簡單總結，唔會再黎。呢間餐廳係令我食完一定要俾個食評佢即使我平時基本上唔會寫。
continue reading
公司飯局，同事搵到附近有間”源興”，老實講喺度返咗工咁耐都唔知有呢間嘢。講個上佢係小菜館，但有啲私房菜格局。即係話菜單可以事前寫定，有啲菜式亦需預訂。菜式方面，安排了蒜拍青瓜海蜇惹味醉鳳瓜蜜汁燒鰻魚 **疑似海斑的魚**蒜香美極煎蝦即燒豬頸肉清炒時時菜煲仔玫瑰雞 特式炒飯*椰皇布甸*最好味嘅菜式，我個人認為係鰻魚、豬頸肉、玫瑰雞，下次來都可以再點。價錢大約每位300多。最後佢有個好好嘅優點，免開瓶費，而且有提供酒杯，大家食得好盡興！
continue reading
雖然話係隱世美食小店 位於幾難搵既小巷入面🤣但其實離鰂魚涌港鐵站唔遠 五至六分鐘就行到🚶裝潢方面不需期待太多 正常中菜食店一樣但都算乾淨 坐得舒服😄由大廚源哥坐鎮主打精品手工菜 燒味 海鮮更加係招牌菜🤩調味平衡 唔會過重油膩由於係小店經營 好多招牌菜都要係訂位果陣預定埋😉控制成本 都可以理解😁以下係特別推介既野食杏汁白肺湯 杏汁味好出 幾滑身 CREAMY🤤明爐古井燒鵝 油脂肉感均衡 正糯米釀雞翼 飽滿香脆😊鎮店叉燒皇 最中意呢度既叉燒 肥瘦分佈岩岩好 炭燒香氣好正😁😁方便指數: 3.5/5 環境指數: 3.5/5美味指數: 4.5/5回頭指數: 4/5地址: 鰂魚涌海光街11號漢威大廈地下7號舖
continue reading
老闆林仔唔係一個花巧識講嘢嘅人，有碗話碗有碟話碟，好直好好傾。我最欣賞佢對食材嘅執着。對食物烹調方式同溫度有不可妥協的認真。雖然店子小小，但係佢親力親為，每一道菜出嚟都可以媲美五星級食店的水準，令人心花怒放。碰巧上週六下午路過小店，見到佢小店晚餐已經full house, 只好外賣佢嘅叉燒同燒脆鱔，家裏嘴刁的一老一小食到嘴舐舐非常滿意。不經不覺已經幫襯咗佢10年，美味如一， never disappoints😋
continue reading
本人第一次從OpenRice搵到呢間小店：滿懷希望咁去食，首先地方難搵，門面只係茶餐廳裝修，樓面夥計又唔夠，淨係做外賣都吾夠人手，最重要嘅係食物嘅價格可以媲美大酒樓，因為我唔知道係私房菜 ( 呢點係我過失 ），所以好多食物都要預訂先至有得食，終於只係食咗燒腩仔同糯米雞翼，講真糯米雞翼燒得過火，皮硬夾燶，$47咁細隻唔見得特別好食，燒腩仔肉就夠林，不過肥膏層吾夠，仲要等成30分鐘，因為店主話係即整，咁冇辦法，終於食唔飽之後仲要去搵雲吞麵食，因為廚房預備食物係要早預訂，菜單嘅款式又唔多，walk-in 客就會冇啖好食，終於兩個人食咗$300唔知食咗乜嘢落肚，我覺得咁嘅價錢不如正正經經去搵間酒樓食晚飯，仲坐得舒舒服服，尤其係而家香港咁嘅環境，唔算抵食同好好食，性價比唔高。
continue reading