YAKINIKU KAKURA (Tower 535)

Open Now

Now Closed

天氣回暖，可以唔使打邊爐，咁就食燒肉😆。日文名”焼肉かくら”嘅YAKINIKU KAKURA，係佐賀嘅人氣燒肉店，而家喺香港都有唔少分店。銅鑼灣嘅分店喺Tower 535，非常方便。呢度係用明火，我最鍾意嘅燒和牛方式。大判燒！黑毛和牛西冷 $178呢個係必叫。一大塊雪花非常靚嘅黑毛和牛西冷，只係$178，而且連埋雞蛋。好快擺落火爐度燒一燒，點一點雞蛋，天下無敵。黑毛和牛上肋骨中肉 $198但呢一個喺葫中嘅和牛，其實一啲都唔輸蝕。首先佢嘅調味非常充足，而且佢嘅厚度足夠，燒完之後唔單止牛味濃，嗰陣油香係會令人感動。加上佢份量多，性價比一絕。塩味上牛舌 $128牛舌有分普通牛舌同上牛舌。上牛舌比較厚，位置比較靚。燒完會食到明顯嘅質感，呢個係普通薄牛舌做唔到嘅。海鮮拼盤 $178同樣抵玩嘅有海鮮拼盤。只係百幾蚊就有齊大蝦、烏賊同帆立貝。當中最好食嘅係大蝦，大隻爽口燒落有蝦味。帆立貝可以連盒燒，方便又有好香嘅牛油味。日本蠔 (3隻) $38三隻日本蠔只係$38，我哋叫咗兩set。佢係盒上，可以連盒燒，相當方便又抵食。黑毛豚脛肉 $88就係豬頸肉了，肉質唔錯，煙煙韌韌，又有調味，冇乜好投訴。冷麺（

呢間來自日本九州佐賀人氣燒肉店＜YAKINIKU KAKURA＞我之前同朋友食過一次，非常滿意😋 今日又約朋友食佢嘅午市套餐啦😌 午市套餐又抵食又好食😍 呢度嘅裝修好靚，而且抽氣做得非常好，唔使驚食到一身油煙味😎 🌟黑毛和牛大判燒拚US牛板腱肉 $258黑毛和牛大判燒真係非常吸引，一大片，雪花非常均勻細緻，入口充滿和牛油脂香味，沾溫泉蛋汁一齊食，實在太滿足😬 US牛板腱肉就冇和牛咁肥美，但勝在有嚼口，而且牛味濃郁，都相當唔錯 👍 午餐有跟小食，湯、沙律，飲品同甜品！真係幾抵😁🌟牛舌盛盒 $148呢個係性價比之王😎 有大約10片靚牛舌，仲要兩種唔同口味🤩 鹽味牛舌同葱鹽味牛舌👍 兩款都唔錯，牛舌燒完爽口彈牙，鍾意食我食嘅朋友一定要叫😗 🌟午餐特價追加和牛腹柳小排 $98肉質都好靚呀😍 肉質軟嫩，油脂味十足，入口即溶好正🥰 🌟涼拌三點盛 $58分別有涼拌菠菜、涼拌豆芽同涼拌薇幼芽，三款都好好食🤤 午市套餐跟嘅甜品真係好好食，上次食完之後念念不忘😌 杏仁奶凍勁高質，又香又滑😍 隔咗一排佢嘅質素都係咁好，唔怪之得晏晝都爆曬，下次要試吓佢嘅晚餐先得😎

銅鑼灣Tower 535呢間YAKINIKU KAKURA之前同同事黎食過，覺得食到日本嘅高質和牛之餘，其他例如黑毛豚都唔錯，所以今次就帶friend 一齊黎再食！「大判燒！黑毛和牛西冷」：日本直運鹿児島県産嘅黑毛和牛，海外店限定，超級鮮嫩美味，必試！仲有個免費雞蛋配埋，夠晒正宗。「黑毛和牛腹柳小排」：已經預先調味好，即烤即食，呢款都好幾塊，油脂分布均勻，一樣係入口即溶！「黑毛豚無骨小排」 & 「黑毛豚脛肉」：因為朋友唔食牛所以叫左兩款黑毛豬，估唔到都好高質，「海鮮拼盤」：有齊大蝦，帶子同魷魚，好豐盛，海鮮好新鮮，好鐘意啲帶子，已經起埋殼，唔使連殼烤又新鮮。「海鮮泡菜湯」：因為想飲個湯叫左呢款，足料海鮮（大蝦，魷魚等）同蔬菜，不過就唔係韓國果只辣泡菜鍋，怕辣的都食到。「牛油男爵薯」：呢份係貪得意叫嘅，估唔到烤到金黃色又幾好味喔。最後仲有個免費甜品，一人一份杏仁奶凍+雪米糍，杏仁奶凍好滑，非常有誠意嘅甜品！

醃鱈魚胃袋味道酸酸辣辣，口感煙煙韌韌。大判燒!黑毛和牛西冷黑毛和牛的肉質極為鮮嫩，油花分布均勻，燒烤後的香氣四溢。每一口都充滿肉汁，讓人回味無窮。海鮮盛合這道盛合包含帆立貝、海老和烏賊，每種海鮮都有其獨特的鮮味。帆立貝的甜味、海老的彈性和烏賊的嚼勁形成了完美的搭配，十分新鮮。青森蘋果乳酸梳打清爽可口，蘋果的天然甜味搭配微微的酸度，帶來清新的口感，適合在燒肉時搭配，能有效解膩。Mix烧肉盛合包含雞肉、牛舌和牛板腱，這道盛合讓人可以一次嘗到多種肉類。每種肉都有其獨特的風味，特別是牛舌的口感格外滑順，令人難以忘懷。US牛腹柳小排 肉質厚實且多汁，燒烤後的香氣撲鼻，搭配適當的調味，讓人每一口都充滿滿足感。巨峰提子乳酸梳打清新爽口，帶有淡淡的巨峰葡萄香氣，酸甜平衡得宜。

YAKINIKU KAKURA 喺 Tower 535 一樓，地點都幾方便，裝修簡約時尚，幾啱後生仔嚟打卡！🤳 今次同老豆嚟食，佢都覺得環境唔錯，夠曬寬敞舒適！😌 睇完餐牌，覺得佢哋嘅燒肉盛合都幾吸引，價錢都算合理，就決定試下！👍黑毛和牛大判燒盛合 🥩✨嘩！呢個黑毛和牛大判燒盛合真係夠曬霸氣！👑 一上枱就已經聞到好香嘅和牛味！🤤 啲和牛油花分佈均勻，望落去已經覺得好juicy！💦 燒嘅時候，啲油慢慢滲出嚟，香氣四溢，真係引人犯罪！😈 食落去，入口即化，油脂甘香，真係正到冇朋友！💯 不過要小心燒，唔好燒過龍，否則就浪費曬啲靚肉！🔥KAKURA 焼肉盛合 🥓🥩KAKURA 焼肉盛合都唔錯，雖然冇黑毛和牛咁矜貴，但係都幾有水準！👍 盛合入面有豚肉雞肉同埋牛肉，可以一次過試曬唔同嘅口感同味道！😋 有啲肉質比較有嚼勁，有啲就比較嫩滑，各有特色！🤔 加上佢哋嘅燒肉醬汁都幾好味，可以提升肉嘅鮮味！💯KAKURA 牛肉飯 🍚🥩KAKURA 牛肉飯都幾抵食，大大碗都只係$98！💰 啲牛肉份量都幾多，鋪滿曬成個飯面！🍚 啲牛肉煮得好入味，加上甜甜嘅醬汁，好送飯！🍚

今晚同屋企人慶祝生日食飯，間餐廳環境幾好，枱與枱之間都夠闊落。叫咗個3～4人套餐，另外叫左海鮮拼盤、大判燒、牛舌、牛小排、肩里肉、日本生蠔、牛肉辣湯麵等等，個個食到好滿足。大判燒我地食左一客要再叫一客，真係入口即溶，超正！牛小排牛味濃，好好味！蝦都幾大隻。牛肉辣湯麵好有驚喜，唔記得影相。牛肉都幾多件，麵質煙韌唔係平時食開嘅拉麵，好似韓國粉絲但係白色嘅，之前我未食過依種麵，好味道！不過牛腸就有啲韌，咬唔開，可能我唔識燒啦。如果下次想食燒肉都會再嚟。

平日晚上客人唔算多，餐廳環境舒服，空間大，令人好輕鬆。壺漬kakura牛胸腹油花層次分明，肥瘦相間，筋膜較多，口感軟嫩帶有嚼勁。黑毛和牛西冷大判燒係海外店限定菜式，和牛花紋油脂分布均勻，薄薄一片，只需要輕輕燒一燒就可以，混合埋溫泉蛋一齊食，肉質嫩滑而多汁，油膩感下降，別有一番滋味。但如果係提供生蛋，相信更能融合西冷，都好滿足。黑毛和牛上肋骨中肉夾出黎係一條有相當厚度既牛肉條，肉厚，牛肉味道濃郁細嫩。冷麵酸酸甜甜，清涼爽口，非常適合燒肉既時候食一口解膩。總括係yakiniku kakura一個價錢廉美既日式燒肉餐廳，食得滿足又開心。

又過來吃日式燒肉了，還是令人吮指回味的一家餐廳。地方闊落，抽風也做得好，一點油煙都沒有，食燒肉來這裏很適合。餐廳是QR Code 下單，亦有專人幫忙燒肉，上次試了專人燒，這次我們想自己燒，好玩😜😝。當晚特別熱鬧，好多外國人來吃。餐廳提供了3款醬汁讓我們沾來吃，檸檬汁／辣汁／蜜汁甜甜的。🥩大判燒！黑毛和牛西冷（配溫泉蛋） $178 x 2這是每次必然之選，薄切和牛西冷大大塊，兩面燒得剛熟夾起，沾溫泉蛋液，油脂豐富，入口軟嫩順滑，牛味濃，好好食😋。🐂牛板腱肉（走汁） $98脂肪較少，帶筋位，原來以為會硬，口感完全顛覆了我先入為主的認知，筋位是軟中帶爽，牛味更濃一些。🦐🦑海鮮拼盤 （帆立貝／海老／烏賊）$178 x 2上桌時可以說嘩一聲，也不是第一次食了，還是讓他的份量驚訝到，好大份。我們點完店員都過來確認是2份嗎🤣？看不起誰呢😆？帆立貝及海老都屬刺身級，不用烤太熟，兩款都十足鮮甜，烏賊肉質好腍滑，怎麼燒都不會硬，好食。🐖黑毛豚脛肉 $88豚脛肉油脂分怖平均，烤完肉質非常爽脆，好有咬口，沾蛋液或其他醬汁都好味。🍄‍🟫雜茸錫紙包 $68雜菌燒過後非常香，菇菌燒過獨特香氣發揮得淋漓盡致，令人食指

今日同fd誤打誤撞闖入旺角呢間隱世和牛屋，原本諗住平平地打邊爐，點知發現性價比爆燈嘅秘密武器—— ▫️涼拌菠菜 以為平平無奇？冰鎮過嘅菠菜淋上胡麻醬，食落似日式居酒屋前菜，清爽到想encore多碟！ ▫️雜茸錫紙包打開錫紙嗰陣香菇香氣撲鼻～金針菇、雞髀菇、本菇三兄弟係牛油蒜蓉浴缸浸溫泉，最正係底部吸滿精華嘅粉絲，偷飯賊級別！ 黑毛和牛大判燒盛合個set抵到喊！沙律+餐湯+小食+甜品全包，重點係主角—— • 手掌咁大塊A4和牛片，輕輕炙燒5秒，油脂香攻陷成個口腔 • 牛舌厚切過iphone，炭燒到微微焦邊，咬落爽脆帶奶香 • 隱藏食法：問侍應拎wasabi，點少少配和牛片，瞬間穿越去大阪燒肉店 凍神戶茶房烏龍茶呢個加配係神來之筆！炭焙茶香超濃，飲落似無糖版道地烏龍，完美中和燒肉油膩感。 💡 小貼士1. 雜菇包要趁熱撈勻，凍咗會癡埋一舊 成餐最驚喜係套餐夠2個人share，下次諗唔到食咩，應該會再encore佢個set試下～ 🐮✨ 好味指數：10/10  性價比指數：9/10餐廳名稱：YAKINIKU KAKURA 餐廳地址：銅鑼灣謝斐道535號H銅鑼灣 Tower 535

心心念念就係為咗食呢度嘅和牛估唔到lunch竟然其中一個套餐有黑毛和牛大判燒平時單點都要$170左右 但係而家一次過滿足晒非常值得！ 而且都有服務 服務員好Nice會幫手燒 火候控制得非常好加上蛋汁 和牛味道咁滑必點💯黑毛和牛大判燒真正入口即溶，而且有專人代燒，手法純熟，輕輕沾上蛋汁，就是幸福的味道，必點招牌菜當然好吃。黑毛和牛 一睇雲石紋雪花就知道高質，脂肪分佈均勻，肉質細緻軟滑。總括而言幾款牛肉的質素也是上佳，和牛當然更加好吃。牛舌，爽口且牛味香濃，調味沒過多，有黑椒點綴，喜歡吃牛舌的不會失望。作為日本過江龍燒肉，烤爐的火候很足夠，火力集中易控制，燒至邊緣微焦，鎖住肉汁更美味。甜品🍧好期待呢度嘅甜品！雲呢拿雪米糍&杏仁布丁，外皮煙韌，軟硬適中，雪糕餡好足皮薄餡靚，杏仁布丁的杏仁味很濃郁，很想encore。店內環境日系和風，特別係卡座隱私度高，店員服務友善細心，各方面非常高質，絕對值得試試！

今日又嚟到銅鑼灣呢間Yakiniku Kakura食燒肉，真係已經數唔清係第幾次嚟啦！每次嚟都係為咗佢嘅高質燒肉，今次都唔例外。首先一定要講嘅係佢哋嘅大判燒黑毛和牛西冷，真係無得輸！塊肉嘅油脂同肉質分佈得超平均，燒到半熟嘅時候，即刻點落去月見汁度，蛋香同和牛嘅脂香喺口腔入面爆發出嚟，仲要係入口即溶，真係正到冇朋友！今次仲試咗佢哋嘅黑毛和牛刺身盛海膽，上面係好Creamy嘅海膽，下面係超靚雪花嘅和牛刺身，再配上一塊脆卜卜嘅紫菜，一啖食晒，口感層次豐富到不得了！燒肉方面，我哋叫咗三款：黑毛和牛特上嫩肩里肉、黑毛和牛腹柳小排同埋黑毛和牛上肋骨中肉。每一款嘅油脂都係靚到冇得彈，入口即溶，完全唔會失望。尤其係黑毛和牛上肋骨中肉，份量夠多，燒嘅時候外脆內軟，肉質多汁，再點埋佢哋嘅特製醬汁，真係食到停唔到口！食燒肉點可以冇生菜？佢哋嘅生菜新鮮爽脆，配埋燒肉一齊食，中和返牛肉嘅油膩感，真係Perfect！另外仲叫咗冷麵，麵質彈牙，入面仲有好多蔬菜，食落好清爽。而家佢哋做緊Hoegaarden Original啤酒買一送一，凍冰冰嘅啤酒配燒肉，真係爽到爆！最後仲有甜品送，杏仁豆腐同雪糕糯米糍，軟滑又解膩

銅鑼灣有咁多好野食，一定唔可以唔提及呢間日式燒肉店👏 佢係日本九州佐賀人氣嘅燒肉店，所有好高質嘅和牛啦😍 佢午餐有好多燒肉定食，全部都好吸引，我就試左兩款海外店限定嘅套餐😌 除左燒肉之外仲有白飯、沙律、餐湯、小食、甜品同餐飲😊黑毛和牛大判燒盛合 🏆 呢個超豐富😍 有鹿兒島A4和牛西冷、鹿兒島和牛裏腹小排同鹿兒島和牛背末脊肉😇 和牛入口即溶，油花分佈啱啱好😇黑毛和牛大判燒拼US牛板腱肉 🥩 呢個組合就包括鹿兒島A4和牛西冷同牛板腱肉，一樣都咁出色😍 仲可以撈埋蛋漿一齊食添 🥚

翻開menu已經花多眼亂，店員很好，給了提議，還親自替我們燒肉！最難忘的是和牛壽司！真是肉汁與肉香在嘴裏爆發的盛宴！齒夾留香，讓人回味無窮！另外，牛肉的品質也很讚，店舖位置也很方便，是個與朋友聚餐不錯的選擇！

今日叫左午市燒肉定食：黑毛和牛大判燒拼US牛板腱肉$258另加一、牛舌盛合$148另加一。然後每個餐追加多一款燒肉：US牛腹柳小排加$58另加一、牛舌加$48另加一。招牌黑毛和牛大判燒算嫩口，個燒肉汁真係好好味。US牛板腱肉夠厚身又嫩口，口感唔錯啖啖肉。牛舌夠厚身又彈牙，鹹香十足。腹柳小排好易咬開，口感好好。餐配白飯，沙律，餐湯，小食，甜品，好豐富。餐飲可選檸檬茶，檸檬水，咖啡，汽水，可加錢升級至綠茶，烏龍茶或者乳酸梳打。配有獨立包裝飲管。另外喺主餐牌點多份若鷄雞頸柳。餐廳環境舒適，食完唔會成身油烟味。呢餐食得好開心，呢度燒肉質素永無失望，而午餐價錢非常抵食。

識我地嘅人都知我地超鍾意食燒肉🔥🥩呢日我地就去咗銅鑼灣嘅YAKINIKU KAKURA度燒燒燒🔥🥩黑毛和牛大判燒拼US牛板腱肉 $258鹿兒島A4和牛西冷/牛板腱肉套餐跟白飯|沙律|餐湯|小食|甜品和牛腹柳小排 +$98巨峰提子乳酸梳打 +$20鹿兒島A4和牛西冷超正🤩入口即溶，肉質鮮嫩，食落啖啖油脂香😍配搭埋溫泉蛋一齊食口感更嫩滑👍🏻US牛板腱肉牛味香濃，肉質有彈性，額外加嘅和牛腹柳小排肉質軟嫩，油脂分佈平均👍🏻食落滿口油香😋🥩美國穀飼牛盛合 $198牛板腱肉|腹前小排套餐跟白飯|沙律|餐湯|小食|甜品白桃乳酸梳打 +$20牛板腱肉味道濃郁，肉質結實👍🏻 腹前小排肉質軟熟，口感嫩滑😍套餐沙律汁味道微酸幾開胃，食完燒肉再嘆埋杏仁布丁同雪糕糯米糍真係超滿足呀🤩