YAKINIKU KAKURA (Tower 535)

Open Now

Now Closed

今日叫左午市燒肉定食：黑毛和牛大判燒拼US牛板腱肉$258另加一、牛舌盛合$148另加一。然後每個餐追加多一款燒肉：US牛腹柳小排加$58另加一、牛舌加$48另加一。招牌黑毛和牛大判燒算嫩口，個燒肉汁真係好好味。US牛板腱肉夠厚身又嫩口，口感唔錯啖啖肉。牛舌夠厚身又彈牙，鹹香十足。腹柳小排好易咬開，口感好好。餐配白飯，沙律，餐湯，小食，甜品，好豐富。餐飲可選檸檬茶，檸檬水，咖啡，汽水，可加錢升級至綠茶，烏龍茶或者乳酸梳打。配有獨立包裝飲管。另外喺主餐牌點多份若鷄雞頸柳。餐廳環境舒適，食完唔會成身油烟味。呢餐食得好開心，呢度燒肉質素永無失望，而午餐價錢非常抵食。